陳豪父親節仔女冇影　林德信林子祥三代同堂食飯慶祝

藝人陳豪、林德信（Alex）、森美及朱柏康現身沙田出席男士服飾品牌活動，陳豪帶同媽媽出席活動，問及今日父親節仔女為何未到場，他則指兒子們忙於學冰上曲棍球，女兒則忙於學習體操，今晚會早點食晚餐慶祝，子女今早亦送上了心意卡，又道出窩心說話：「知道爹哋出去做嘢辛苦，唔緊要㗎，爹哋唔使做嘢咁辛苦，最緊要有你就得㗎啦。」

另外，他表示早前忙於拍劇，好多工作排期到現在，更坦言今個月都係「廣告月」，有好幾個廣告要拍，問到他會不會買禮物獎勵自己，他笑言賺的錢要留來供奉小朋友，直言捱得辛苦但是幸福，因為有三個小朋友同一個大天使：「我願意囉」，笑得相當甜蜜。

同場的林德信表示是自己成為父親後過的第一個父親節，透露囡囡現時15個月大，名字叫林明，是因為爸爸林子祥夢到「日」同「月」字所改，又稱成為父母之後既開心又擔心，擔心賺錢同應該如何教育，以前單身未曾設想過，坦言當初雖然是想有小朋友，但是沒有計劃的情況下，順其自然地懷孕，笑言影響到無得去Joneymoon，之後會補返二人世界，而女兒將要揀學校的方面，則會跟從太太的指示，因為自己很小便去到美國，沒有在香港讀書的經驗。

至於父親節則計劃今晚三代同堂食飯，想同爸爸同囡囡影張合照，又指同囡囡一齊整了張心意卡給爸爸，太太就送了網球衫給自己。問到早前有人指林子祥的近照中面容有異，Alex則指：「佢好健康，但我覺得喺舞台上先發揮到佢身體健康，愈唱愈健康，年紀大嘅人要keep住運動、social、工作就最幸福。」

東網網站 : https://on.cc/東網Facebook專頁 : https://www.facebook.com/onccnews/