被ProdiG再數呃fans壓榨同行　Tyson Yoshi列3點回應

獨立Hip-Hop歌手ProdiG昨日（8月3日）在IG限時動態上載短片，以Rap形式公開向Tyson Yoshi猛烈開火，直斥對方是「跟風狗」、「冇乜家教」。ProdiG在歌詞中唱道：「勸你嗰位KOL friend快啲收手，咪搞咁多飛機，咪再懶Hip-Hop，嗰個Tyson Yoshi只係一隻跟風狗。蛇鼠一窩得個樣，冇乜家教，學吓禮儀先。」昨晚ProdiG再出限時動態，指Tyson Yoshi將合作歌曲變成個人版本、作故仔呃fans，以及壓榨其他藝人。

ProdiG寫道：「呢首就係當初我幫你填詞作曲寫嘅第一首廣東話歌，之後你為自己利益，將兩個人嘅歌出個solo版本，仲諗埋啲戇X故仔呃你班戇X fans，話係幫啲癌症小朋友寫嘅歌，歡迎你哋班傻西繼續做戇X信埋呢啲戇X故仔。我冇所謂，我就係想講我想講嘅嘢，攞返屬於自己嘅嘢，就係咁簡單，其他嘅嘢/don't care。」

ProdiG而指Tyson Yoshi壓榨其他藝人：「我就係唔撚鍾意你Tyson Yoshi咁撚假，喺度利用自己嘅身份同價值去同PR講唔想見到某啲artist，壓榨其他 artists。其他人要幫你含X，我Prodig唔X會，Fxxk noooo and byeeeee。」再附上「Growing up demo 1 from 2020」歌詞：「如發覺你總是不幸 別嫌棄 還在說快樂過生活 太無理 天試過塌下來　風吹起 葉泛黃　當初天真的你 你已忘記」，最後寫道：「Thank you if you love this song　Lyrics by baby G」。

事件經過大半日發酵後，Tyson Yoshi在IG限時動態以「唉」開首、列出3點回應：「唉 1. 當年Growing up我係留空首歌嘅第2段邀請佢參與，但係佢寫出嚟嘅旋律歌詞，並未達到我心目中嘅要求，所以最後我決定自己完成作品，並且發佈。2. 所講緊嘅係If I Die Tonight嘅故事，並唔係Growing up。我從來唔攞人命開玩笑，個小朋友已經走咗，請你尊重。3. 小弟沒有咁嘅膽量亦都冇咁嘅權力去阻止任何人參與活動，小弟參與活動只有一個目的就係賺錢，有客戶用我已經好感恩。何德何能控制品牌或者活動公關用人準則……」Tyson Yoshi再分享當日與患病兒童所屬機構的訊息截圖，以及與病童見面時的合照。