陳蕾新作《求救的勇氣》　道出希望被拯救卻無勇氣呼救的矛盾

陳蕾新作《求救的勇氣》久違地再同Mike Orange合作，道出希望被拯救，卻無勇氣呼救嘅矛盾心情。

「人已活到這刻 情緒亦慣了 如若再遇到痛苦 理應懂拆招」

當負面情緒來襲時，我地總會習慣喺別人面前隱藏，人長大好似就代表唔可以再表露感受。即使心力交瘁，快要崩潰，眼淚每日不自覺地流，依然裝作堅強，想獨力支撐，唔願意喺人前承認自己軟弱，甚至為無法處理傷痛而自責。

「難過就去痛哭 愉快就要笑 其實這道理我懂 更不應撒嬌」

用盡方法嘗試安撫內心，好想世界可以給自己力量，讓傷口自行療癒，但又談何容易。默默承受只會讓情緒無法抒發，一直累積，最終變得更傷心壓抑。

「借我力量 夠我今晚不需勉強 我太失敗 沒辦法醫好這憂傷」

明明道出一句我需要幫忙就可以得救，但要開口係無比艱難。生怕打擾別人，生怕他人嘅目光，生怕得不到理解，甚至覺得自己唔值得，寧願繼續裝作無恙。

「原來放聲求救對比起痛 更難説出口 只怕 露出我的陰暗 得不到理解 更醜」

縱使彷似已踏上絕路，但多困難都要緊記，只要你有求救嘅勇氣，身邊定會有人支持你。任何難關總有出路，當踏出到第一步，問題往往就會迎刃而解。

就算依刻未有足夠勇氣，陳蕾嘅歌聲都能夠借你力量，陪伴你渡過低潮。

「借我力量 夠我敢伸手給你抱 放棄包袱 活下去讓彼此互補」

蕾子嘅作品一向觸碰到最內心嘅感受，剛柔並重地為樂迷帶嚟一份安慰，陳蕾就係有如此強大嘅魔力，樂壇社工當之無愧。《求救的勇氣》同《念》一齊欣賞，更加好似走咗一趟心靈之旅，聽完所有煩惱都能夠拋諸腦後。

「等一天我可 還給你擁抱」

最後，當你需要時，記住身邊必定有人願意伸出援手，你並不孤單🫂

《求救的勇氣》陳蕾
曲：陳蕾
詞：陳蕾
編：Mike Orange
監：Mike Orange

「借我力量 夠我敢伸手給你抱
放棄包袱 活下去讓彼此互補
原來我敢求救已經足以 被勇氣治好
相信我會做到
相信我會做到
等一天我可 還給你擁抱」

▼Follow hkpopculturelover
Instagram: https://www.instagram.com/hkpopculturelover/