情人節2026｜限時優惠折扣再送6隻生蠔！日式魚介燒龍蝦+日本和牛+鵝肝 – 火蓮花

呢間位於沙田酒店頂層的日式料理店，坐擁270度開揚城門河畔靚景，無論日間陽光定夜晚燈火，氣氛都超舒服放鬆。餐廳最特別之處係主打「魚介燒」，同一般炭燒海鮮唔同，講究精準火候同保留食材原汁原味，務求鎖住每一啖鮮甜肉汁。今個情人節推出一共十道精選料理，當中必試魚介燒波士頓龍蝦，肉質爽彈多汁，配自家製牛油醬燒到表面微焦、保持肉汁，濃郁香氣撲鼻。超打卡嘅「花火杯」有鮮甜海膽、綿密吞拿魚蓉同鹹香三文魚子，味道視覺都滿分。另一「燒國產牛配鵝肝」，頂級九州和牛油脂甘香，配肥美鵝肝同脆多士，一次過享盡兩種濃郁油脂美味。套餐仲集合日本生蠔、精選刺身、海膽等，由頭食到尾都豐富滿足。提前訂座仲享8折超值優惠，更驚喜額外加送6隻新鮮生蠔，讓你同另一半盡情享受一個難忘浪漫情人節。

▲日本生蠔：採用福岡縣系島市生蠔，肉質滑溜飽滿，海水味濃。加咗酸醋啫喱，食落更加開胃。

▲鮟鱇魚肝：用清酒同海鹽去腥後，再用秘製醬汁慢煮，口感好綿密；醬油螺肉：螺肉用醬油燉煮到入味，食落香甜有口。

▲花火杯：杯入面有海膽、三文魚子同吞拿魚蓉，一次過食到三種鮮甜同鹹香。

▲精選三款時令刺身，深海池魚、赤身及大拖羅。清甜嘅深海池魚、魚味濃嘅赤身，同埋油脂豐富、入口即溶嘅大拖羅。

▲魚介燒波士頓龍蝦：選用波士頓活龍蝦，肉質結實鮮甜。燒製時塗上自家製蒜蓉牛油醬，香氣濃郁，完整鎖住鮮味。表面微焦、內裡保持肉汁。

▲燒國產牛配鵝肝及蘆筍：選用九州頂級和牛，油花均勻，肉味香濃。鵝肝煎到金黃外脆內軟。配埋脆多士、青蘋果同 15 年黑醋，中和咗油脂感，層次豐富。

▲番茄素麵：素麵清爽微酸，非常開胃。

▲蟹肉釜飯：珍珠米吸盡蟹肉同高湯精華，飯粒飽滿。

▲櫻花大福配柚子雪葩：大福軟糯帶微咸，配埋酸甜嘅柚子雪葩同脆口嘅最中餅。

推薦單點

▲火蓮三層脆($208)：紫菜天婦羅夾住壽司飯、吞拿魚蓉同海膽。外脆內軟，口感好豐富。

▲海幸龍珠卷($298)：飯卷中間有醬油蛋黃、海膽、三文魚子同青瓜等，配料好足，啖啖都係鮮味。

火蓮花 Alda Boll

地址：香港沙田源康街1號帝逸酒店28樓
時間：12:00-15:00;18:00-22:30
電話: 26330881 / 92387129 (WhatsApp)

情人節套餐詳情

精選10品料理（兩位用)
限定優惠：兩日前訂座可享 8 折：$1,504 （原價 $1,880）再送 6 隻日本生蠔（價值 $228）

*優惠受條款及細則約束
*另收原價加一服務費

文字：香港人遊香港