蘇亞雷斯：我同美斯都同尼馬傾過，尼馬去巴黎聖日耳門係錯誤

蘇亞雷斯最近接受Clank Media訪問，蘇亞雷斯就話「我哋已經證明咗MSN組合就係朋友，我哋非常團結，亦都知道每個人都要履行自己職責，我哋令到巴塞隆拿變得更加出色😎。」

蘇亞雷斯又話「最緊要就係團結一致，如果其中一位無得落場，其餘兩位都會貢獻自己力量，如果其中一位狀態唔係咁好，佢都會為另外兩位入波而覺得開心😃。」

呢位烏拉圭🇺🇾前鋒最後就話「我哋三個之間關係真係好正，我同美斯都同尼馬講過，佢去巴黎聖日耳門係錯誤，如果想成為最好球員，尼馬就應該繼續留喺美斯身邊。我哋想幫佢，仲比埋建議，但最後尼馬作出自己決定，都係值得我哋尊重🫡。」