楊洛婷夫婦離奇捱批「乞兒夫妻」　本尊開腔回應

前港姐亞軍楊洛婷（Rabeea）與樂隊Dear Jane主音黃天翱（Tim）2014年結婚，婚後育有一對仔女，生活幸福美滿。不過，近日網上有人開post指楊洛婷和老公「呃飲呃食」，又狂踩他們是「乞兒夫妻」，隨即引起熱議。

日前有網民分享了楊洛婷與黃天翱的合照，表示：「乞兒夫妻，專門投訴，呃飲呃食，呃折頭！呃甜品！呃車飛！始終唔知佢哋叫咩名。」其後該網民繼續發文：「佢老婆係咪真係參加過香港小姐？」、「好想知道個女乞兒叫咩名有冇人可以幫幫我」、「中文名係咪叫楊洛婷？」又寫下對話來還原事件：「黃天翱：畀個白飯我，侍應：白飯收18蚊，黃天翱：你依家咩態度呀？叫你經理嚟。經理：先生有咩幫到你？黃天翱：依家想要碗白飯，可唔可以唔收錢，收嘅以後唔嚟，同上網唱衰你哋。經理：無奈地當請乞衣食。」

事件網持續發酵，掀起網民熱議，不過亦有網民留言力撐楊洛婷，大讚她方工作態度專業，兩公婆都十分友善，認為是誤會一場。對此，楊洛婷在接受傳媒訪問時表示未有深究事件，直言其他人寫咩都無所謂，自己一切從心出發，認為大家都知道自己為人如何，尤其是合作好多年的朋友。

另外，亦有認識楊洛婷夫婦的網民開腔，表示：「我本身同佢work過好多次，佢一向都好專業好交足功課有突，同佢哋兩公婆都食過飯，兩個都好nice又好幫手好好嫁喎。就算邀請餐廳試食佢哋自己都好識做自己開支酒埋單，仲會介紹Fd去幫襯，係咪有咩誤會呢？」

東網網站 : https://on.cc/東網Facebook專頁 : https://www.facebook.com/onccnews/