Nancy Kwai 新歌以花開花落為題 道出一段愛情嘅開始與終結
Nancy最近推出新專輯《Blossoming》，共收錄七首作品，以花開花落為題，道出一段愛情嘅開始與終結。
「Out of the blue I‘ve been waiting for you 從前世界 變得可愛豐富」《Out of the blue》
當盼望戀愛嘅少女碰上心儀對象時，世界頓時變得光明開朗，過去所有陰霾都一掃而空。只要有你在旁，時間彷彿靜止，世上再無難事，終於能夠遠離寂寞之苦，感受愛情萌芽之甜。
“But I don’t wanna play no more Cuz maybe I’m not what he’s looking for “《Blue roses (feat. Olivia Marsh)》
然而，愛情快樂背後更多係忐忑，對方小小嘅行為足以牽動自己情緒，好想知道心上人真正想法。究竟你準備好未？究竟你係咪愛我？究竟依段關係走唔走到落去？
「就錯在我 天真時 仍相信夢 蔚藍落空 原是片灰濛 甜夢裹著惡夢」《I tried…》
曖昧時嘅幻想總係幸福甜蜜，靠近後卻要面對殘酷現實，越走越發覺彼此根本不合適，多努力付出都無法改變，只能換來一場空。內心劇痛，但亦要無奈踏上分離之路。
「愛上你好累 我不想再追 還不如就現在摧毀」《The last letter》
親愛的，我實在無法再與你走下去。縱然有眾多遺憾與悲痛，我亦無悔深深愛過你，可是我已經很累很累，無力再挽救這段破碎的關係，是時候各走各路。你會忘記我嗎？你會忘記這段日子嗎？我很想知道，但好像已經不重要了。再見。
「應該放開時請放開 應該放開時請勿沉落在情海 一次的錯愛 不阻你到後來 被愛」《Let go》
雖然理性知道要與愛人分開，但要接受係無比困難。情緒高低起伏不斷，時而積極，時而崩潰，孤身一人反覆經歷依份傷痛，難以釋懷。只有時間同勇氣能成為解藥，重新習慣照顧自己，重新習慣再沒有你嘅世界。
「晴空都記起 我想捉緊你 樹下遺留當日心裡希冀 回想都會暗喜 同步逛天地」《Miss you in my ways》
隨時日過去，心情逐漸平復，但間中仍會想起對方。就算彼此嘅分開係如此不堪，深刻嘅依然係快樂片段，內心仍然有份愛。就讓遺憾留在當時，將一切美好長留心中，默默紀念依段情。
「又著好外套後 一切陌生了 沒憐愛 有甚麼風景會萬年未改」《Cardigan》
到將來某一日，回憶意外地翻起時，頓然發現昔日彼此錯過了不少，可惜一切已經無法重來。物是人非，滋味仍在。比起想念曾經嘅愛人，其實更想念當時嘅感覺，更想念當日嘅自己。
「回憶可以儲起 延續那滋味 I’ll remember and miss you in my ways」
聽完整張專輯，好似陪伴故事主角走咗一趟情路，充分感受到佢嘅喜與悲。Nancy嘅作品就係有依種力量，輕柔旋律配上甜美聲線，聽得舒服又可以沉浸喺歌曲嘅氛圍，係一場完美嘅聽覺享受。
“but now here we are, broken hearts in the end it‘s time to let the memories fade away”
《Blossoming》Nancy Kwai
1 《Cardigan》
2 《Let go》
3《Miss you in my ways》
4《Out of the blue》
5《Blue roses (feat. Olivia Marsh)》
6《I tried…》
7《The last letter》
▼Follow hkpopculturelover
Instagram: https://www.instagram.com/hkpopculturelover/