拜仁已經同慕遜加柏中堅板倉滉進行初步接觸　呢位日本球員希望今個夏天離開球隊，而轉會費只係1200萬歐羅

根據德國天空體育記者Florian Plettenberg消息，拜仁中堅迪亞即將離開拜仁，加盟法甲球隊摩納哥，而迪亞已經通知拜仁即將離隊嘅決定。至於迪亞同拜仁傾新合約失敗嘅原因係拜仁只係提供一年合約，而摩納哥提供至少兩年合約，再加上摩納哥提供更高人工，而且呢位英格蘭🏴󠁧󠁢󠁥󠁮󠁧󠁿球員將會有更多上陣時間🙃

隨住迪亞即將離開拜仁，拜仁需要係今個夏天簽入一位輪換中堅，所以拜仁係過去一至兩個星期再次認真考慮簽入利華古遜中堅莊拿芬達亞。雖然由上年12月開始達哥一直同巴塞進行談判，但雙方仲未達成任何協議。不過，由於達哥今個夏天以自由身離隊，所以有唔少球隊都對呢位德國🇩🇪球員有興趣😶

根據德國圖片報記者Christian Falk消息，拜仁已經將慕遜加柏中堅板倉滉列入今個夏天轉會名單，拜仁覺得板倉滉有能力成為球隊輪換球員，並且已經同板倉滉經理人團隊進行初步接觸，但仲未提交任何報價，而板倉滉本人都希望今個夏天離隊。除咗拜仁之外，多蒙特、利華古遜同法蘭克福都對呢位日本🇯🇵球員有興趣😉