傳拜仁有意賣走一名中場祖奧柏連拿：我無意離隊

拜仁中場祖奧柏連拿最近接受訪問就話「對住波琴德甲比賽拎紅牌被球證趕離場之後，對我嚟講並唔容易。我只係想展示自己能力，不過呢件事已經過去左，我已經準備好迎接新挑戰。我從來都無考慮過離開拜仁，我會做好自己工作，其他野唔係我嘅掌控之中😉。」

呢位葡萄牙🇵🇹球員又話「其實球隊入面有唔少球員都曾經受到質疑，就好似哥列斯卡、烏柏美簡奴、阿方素戴維斯等都經歷過我嘅情況，所以我依家只係需要證明自己😎。」

根據德國圖片報記者Christian Falk消息，隨住比索夫加盟同埋甘美治續約，拜仁考慮今個夏天賣走一位中場球員。柏夫洛域係球隊未來基石，而至於拉馬表現唔錯且，仲可以踢唔同位置。如果有球隊對柏連拿/古里路提交合適報價，拜仁願意賣走🙃