都市熱話：【台灣Sanrio環島觀光列車！有得免費唱K+360度旋轉豪華座椅+自拍貼紙機】

Sanrio主題台灣觀光列車

台鐵「環島之星」觀光列車，最近聯乘 Sanrio 打造咗超夢幻嘅「環島之星萌旅號列車」，將可愛角色 My Melody、Kuromi、Cinnamoroll、布甸狗、水怪同蛋黃哥通通搬上列車，仲要環遊全台！大家仲可以邊環島邊唱K，6位Sanrio角色陪你高歌一曲，每個月仲有新歌更新！快啲約埋朋友一齊出發，嚟場又萌又Chill嘅鐵道之旅啦！

「環島之星萌旅號列車」由易遊網打造，齊集6大Sanrio人氣角色，包括My Melody、Kuromi、CINNAMOROLL、布甸狗、水怪同蛋黃哥，佢哋將會陪住你玩足成日！列車分兩條路線：

• 西部幹線（逆行）：台北出發，經花蓮、台中、台南、台東，全程13小時。
• 東部幹線（順行）：同西部線相反方向，總共停22個站！

▲ 列車有4款超靚嘅Sanrio商務車廂，每個都結合咗台灣元素，包括少女心粉紅色嘅 My Melody 車廂、紫黑色系嘅 Kuromi 車廂、藍白色調嘅 Cinnamoroll 車廂及可愛黃色嘅布甸狗車廂。每個座位都係 360度旋轉豪華座椅，仲有寬敞空間，影相打卡一流！

▲ 卡拉OK車廂：邊環島邊唱K，6位Sanrio角色陪你高歌一曲，每個月仲有新歌更新！

▲ 自拍貼紙機：提供三款Sanrio主題相框，無論你係My Melody粉絲定Kuromi迷，都可以影靚相打卡！

▲ 萌旅扭蛋機：隨時扭出Sanrio角色周邊，收藏控千祈唔好錯過！

▲ 坐車當然唔少得美食！早餐、午餐、晚餐全部都係Sanrio主題包裝，仲有台灣特色美食，例如嘉義郭家火雞肉飯、花蓮阿美族竹筒九宮格餐盒等，視覺+味覺雙重滿足！

▲ Sanrio粉絲仲可以買埋限定周邊，包括明信片、貼紙、File夾、原子筆等等，將可愛帶返屋企！

Sanrio「環島之星萌旅號」

價錢：港幣$131起
網上訂票：按此

文字：香港人遊香港；圖片來源：官方圖片⁠