利華古遜中場域斯接受德國體育畫報訪問

利華古遜中場域斯接受德國體育畫報訪問，域斯就話「我幾好彩，屋企附近就有咁多出色球隊，我依家可以效力德國，甚至乎歐洲其中一間最好球隊。我好尊重利華古遜球員，佢哋來自南美洲或者非洲，為咗自己職業生涯離開屋企人同原本環境。對我嚟講，某個時候離開舒適圈，真係好有吸引力，而我相信自己好快就係任何地方搵到自己位置😎。」

域斯又話「當我由科隆轉會加盟利華古遜嗰陣，我一刻都無諗過人工問題，我只係會諗咩野先至對我自己職業生涯最有利，我甚至乎無諗過自己戶口有幾多錢，或者之後會賺到幾多錢😂。」

呢位德國🇩🇪球員又話「當然，你都要確保自己得到一份好合約。但對我嚟講，競技層面比起錢重要好多。我覺得如果我對錢太過執著，我嘅爸爸媽媽會幾嬲。我16歲加盟利華古遜之後，我將成份人工畀晒爸爸媽媽管理，佢哋每個月俾我150歐羅，呢個做法都可以話造就我嘅人生🤓。」

根據慕尼黑日報最新消息，雖然最近有唔少傳聞就話拜仁轉會資金不足，但事實上拜仁有足夠資金完成轉會。拜仁榮譽主席漢尼漢同域斯爸爸（亦都係經理人）一直都有良好關係，而拜仁內部已經就域斯係甘賓尼戰術體系扮演角色進行討論，消息最後指出由於皇馬需要慳錢，所以只有曼城先至係拜仁簽域斯最大競爭對手😶

▼Follow足球仁
Instagram: https://www.instagram.com/football_yern/