爆汁煙燻燒鵝　脆皮肉嫩蜜汁燒鱔｜深鴻私房菜｜旺角

一隻好食嘅燒鵝要皮脆、肉嫩、入味、肥美又帶油脂香，應該大家都知。但如果再深一層追求，好似品酒咁講香氣嘅話，呢間就多份荔枝柴煙燻香，燒鵝黎講全港數一數二正，起碼你地食完半夜嗝氣，都會有陣煙燻香咁幸福。

見到店名有個深字，又見到食燒鵝，爭啲去錯咗深井，估唔到旺角都有咁正嘅燒鵝，而且仲係間抵食私房中菜，睇見啲客人同老闆有傾有講，黎嘅都係上年紀嘅識食熟客多，就知係穩陣實力派。

-
🍗荔枝柴燻燒鵝 (半隻$208 / 原隻$398)
🍗荔枝柴燻乳鴿 ($58)
1️⃣呢到嘅燒鵝唔止係燒鵝，仲係出邊少有嘅燻鵝，香港真係罕見，用上荔枝柴燻起，上枱會聞到煙燻香氣，食完會有餘韻果種。

2️⃣佢地呢個做法除咗外層脆皮，仲做到鵝肉真係鎖緊肉汁，可以直頭話係嫩滑多汁。重點係竟然唔貴，算全港最抵食嘅級別，而且真係大大隻夠一班人食。

🥓脆皮蜜汁燒鱔 ($238)
包滿蜜汁嘅白鱔，濕潤但完全無阻佢嘅脆皮，酥脆又甜身，一咬又滲滿油脂超肥美，而出街食鱔一向唔平，但呢到份量真係慷慨，件件都厚身大件。

🥠七味椒鹽滑豆腐 ($78)
🥩蜜餞薯角安格斯牛柳粒 ($218)
🍖脆皮鮮果咕嚕肉 ($138)
而啲鑊氣小炒真係功架十足，蜜薯牛柳焦香帶甜，薯角真係脆身；咕嚕肉醬汁稠身拔絲，非常脆皮；椒鹽豆腐就真係巧手，外皮薄脆，粒粒內嫩。

🍲冬瓜盅 - 四位用 (星期一至四$68 / $88)
🥘蟹籽蝦乾椰菜炒粉絲 (星期日特價$78)
而且整體非常抵食，有唔少特價菜式，冬瓜盅煲到超鮮甜，四人份都係68蚊個，搭下燒鵝咁食，一班人埋單都係百零蚊位，已經可以捧住個肚走。

-
深鴻私房菜
🗺️旺角花園街18號華園閣地下1-2/F號舖
📞35682135
❇️佢地叫得私房菜，除咗入口隱蔽少少，其實仲有唔少包房可以book，都幾啱一班人食飯。

▼Follow foodiegogoooo
Instagram: https://www.instagram.com/foodiegogoooo/