鮮熬濃湯手工麵店｜麵鮑•潮人｜粉嶺

如果在座各位認識啲本地channel，例如MM咁，鍾意介紹啲滄海遺珠嘅手工小店，咁真係要提議佢地拍下呢間。齋睇低調嘅門面同設計，唔講真係唔知原來係咁有心機，就黎想訪問下師傅係咪太得閒。

其實睇佢地menu，都覺得佢地workload好大，好幾款湯底自己鮮熬，連魚湯都用新鮮紅衫魚熬，仲要自己做麵，自己包小籠包同餃子，仲要有咁靚嘅炸子雞，到到都預製菜嘅環境下，呢啲堅持真係值得鼓勵。

-
🍜魚三寶魚湯麵 - 魚腐、鯪魚餅、魚皮餃 ($68)
🍜芫荽皮蛋脆鯇片魚湯麵 ($68)
🍜無骨海鱸魚魚湯麵 ($72)
1️⃣寫明用新鮮紅衫魚，每日鮮熬嘅魚湯，其實用上紅衫魚都非常少有，煲到奶白鮮甜，飲落非常舒服。
2️⃣前者魚三寶就三重魚鮮，鯪魚餅都係自己製，誠意十足，後者就芫茜控一定鍾意，爆滿芫茜皮蛋，仲有超嫩嘅魚片。

🍜藥膳醉雞湯麵 ($68)
1️⃣講埋麵底，都係佢地自家製嘅手工幼麵，其實一食就食得出，質感特別順滑，可以一下連埋湯底啜入口，出邊都好少食到呢種幼麵係手工做。
2️⃣而呢款湯底都係真藥膳熬起，特別甘甜，又重藥材香，鍾意藥膳就一定鍾意，連埋足料醉雞就真係絕配。

🍗當紅炸子雞半隻 ($60 / 連湯麵$80)
食到呢到，都Feel到佢地嘅中菜底子，呢隻炸子雞就勁，估唔到係麵店食到呢種質素，皮脆肉嫩真係Juicy，就算轉型做炸子雞店都唔過份。

🥓爆汁小籠包 (3粒$28)
🥓黑松露餃 ($38)
🧈黃金脆皮炸奶卷 ($24)
小籠包同餃都係佢地自己包，連呢啲點心都做埋，真係佩服佢地嘅心機，仲超級爆汁，肉汁滿瀉，而且佢地係有份爆汁嘅堅持，黑松露餃都係咁爆汁。

-
麵鮑•潮人
🗺️粉嶺聯和墟和隆街3號地舖
📞2869 9892

▼Follow foodiegogoooo
Instagram: https://www.instagram.com/foodiegogoooo/