2025聖誕禮物推薦｜韓國爆紅MilkyShop夾心餅乾 聖誕節限定登陸PopCorn

想搵到一份又特別又體面嘅選擇？就係由韓國聖水洞人氣烘焙品牌 MilkyShop 直送到港嘅招牌夾心餅乾，唔使再飛韓國或者苦等代購，真係太方便啦！

講起 MilkyShop，佢哋喺韓國已經有10間分店，招牌夾心餅乾更加係聖水洞嘅必買手信，喺亞洲代購圈掀起搶購熱潮！而家佢哋嘅海外官方首店選址香港，將會喺2025年11月27日至2026年2月27日期間進駐將軍澳 PopCorn！快閃店橫跨聖誕節、新年同農曆新年，真係諗唔到有咩比呢份韓國直送嘅美味更適合作為節日禮物呢！

MilkyShop 嘅招牌夾心餅乾系列真係不得了，從餅乾到內餡都係人手製作，酥脆嘅餅乾外層同香濃軟滑嘅焦糖牛油夾心結合，帶來層次豐富、令人難忘嘅口感。外層餅乾烤到金黃色，散發誘人香氣，內餡綿密融合手工熬煮嘅焦糖同牛油，甜而不膩，冷藏後更有雪糕般軟滑質感，真係一試上癮！

佢哋嘅夾心餅乾有4款口味，每盒賣HK$165，包括法式焦糖燉蛋口味、焦糖牛奶口味、花生醬同抹茶口味。我最鍾意法式焦糖燉蛋口味，餅乾表面包裹法式焦糖燉蛋嘅焦脆糖衣，同牛油內餡交織出外脆內軟、甜鹹完美平衡嘅夢幻口感！抹茶控就一定要試抹茶口味，精選日本宇治抹茶粉，從牛油至餅乾都瀰漫濃郁細膩嘅抹茶風味，真係令人回味無窮！

MilkyShop 仲設有精緻送禮包裝，無論自用定送禮都係體面貼心嘅首選。為咗讓更多顧客能夠享用呢份人氣美味，快閃店實行每人限購4盒，每日限售250盒，售完即止。大家要把握機會，率先體驗來自韓國聖水洞嘅人氣美味啦！

MilkyShop PopCorn 快閃店詳細資料：

日期：2025年11月27日至2026年2月27日

時間：上午11時至晚上8時

地點：Kiosk 5, 1/F, TKO PopCorn (FILA 對出)

---------

🔰更多香港好去處活動介紹︰www.iPlayHK.com
🔖歡迎工作聯絡︰hello@iplayhk.com
💁🏻‍♂️跨平台覆蓋：網站、新聞app、Instagram、Facebook、手機推送等