鄭秀文張敬軒首合作開拉闊騷 軒公變軒仔：以前每晚追《大頭綠衣鬥殭屍》
今日（8月26日）商業電台的66週年台慶，同時亦正式宣布2025年壓軸拉闊音樂會，將由鄭秀文（Sammi）及張敬軒聯手打造，11月1日（星期六）首度攜手登上拉闊舞台，在亞洲國際博覽館ARENA舉行一夜限定的「時空約會」，穿越不同時空，以音樂對話，激發全城矚目、前所未有的拉闊火花。
為配合今次拉闊音樂會的主題「Most Wanted」，鄭秀文與張敬軒特別以美國西部牛仔造型拍攝宣傳照，拍攝當日二人默契十足，一拍即合。鄭秀文對上一次做拉闊已經是2001年，鄭秀文未演出先興奮：「二十四年後再次踏上拉闊舞台，我已經好興奮，預演緊一啲想唱嘅歌，或者想出現嘅畫面。拉闊喺製作、形式同喺紅館或者其他地方開嘅演唱會嘅感覺好唔同，尤其喺舞台上面嘅表達，絕對好唔一樣，所以我係非常期待。」
今次是二人首度合作的音樂會，鄭秀文分享自己「Most Wanted」的拉闊畫面：「我哋都係喺生命裡面有經歷嘅人，同時擁有多面向嘅特質，好明白對方，而且軒仔畀到我好多新鮮感，我相信同佢一齊做拉闊嘅感覺會好唔一樣，演出會更有深度。成個show唔只得我，亦唔係只有軒仔，呢個係『我們』嘅show，所以我好期待呢個二人成為一體嘅show，希望到時呈現到一加一大於二呢個效果出嚟。」
對於今次與Sammi同台演出拉闊，張敬軒直言有中獎感覺：「Sammi係一個Super Star，有機會同一位Legendary Artist合作，好似中獎咁，真係成就解鎖。Sammi嘅前瞻性係我嘅Role Model，呢場拉闊音樂會絕對係Once in a Lifetime。我以前每一晚都有追《大頭綠衣鬥殭屍》，我通常都係頒獎禮或大Show先見到Sammi，離遠望，唔夠膽同佢講嘢。第一次真真正正同Sammi講嘢係做佢演唱會嘉賓，嗰時好開心、好激動。宜家我都仲有呢種緊張，因為佢喺我哋眼中永遠都係Diva。」
張敬軒亦分享自己「Most Wanted」的拉闊畫面：「成件事太好玩，我已經諗緊最想同Sammi唱咩歌，或者最想喺佢面前唱到咩歌，同埋最想同佢喺台上做咩表演，其中一樣就係想同Sammi跳舞。」
二人過去未有合作開騷，但張敬軒曾兩度做Sammi演唱會嘉賓，包括去年7月Sammi的紅館個唱，二人在台上合唱《笑忘書》。合唱後，張敬軒表示很多謝Sammi，直呼對方是他的恩人。「其實唔多歌手會帶我呢啲新人出埠表演，但我好開心，當年我仲係新人嘅時候，Sammi帶我去到馬來西亞做佢演唱會嘅表演嘉賓，我好多謝佢！」
叱咤903主辦
《b.balance呈獻 拉闊音樂會Most Wanted 鄭秀文x張敬軒》
日期：2025年11月1日（星期六）
時間：晚上7時
地點：亞洲國際博覽館 ARENA