湯馬士梅拿36歲生日，美職聯上演帽子戲法。

💥今個夏天由德甲拜仁轉會加盟美職嘅湯馬士梅拿就係9月13號36歲生日，而梅拿係生日夜晚就上演第一次美職聯帽子戲法。呢位壽星公先係上半埸有2個12碼入波，再係61分鐘交出1次助攻，去到完埸之前仲有頭槌入波，成埸比賽參與4個入波，協助溫哥華白帽7:0大勝費城聯🙂

💬梅拿最近講到自己係溫哥華生活「我覺得溫哥華人真係幾窩心，之前成日都聽人講加拿大人非常熱情，而温哥華實際情況仲好。無論係城市入面行街，定係買咖啡，成日都會有人主動過嚟同我講聲多謝，佢哋唔係想問我拎簽名，而係多謝我選擇温哥華白浪帽同溫哥華呢個城市🥰。」

💪🏻根據圖片報消息，原來梅拿之前趁住國際比賽日飛咗返去德國🇩🇪慕尼黑探親，並且係拜仁訓練中心完成三次訓練保持狀態，而梅拿仲同拜仁中埸柏夫洛域一齊訓練，兩位仲係訓練入面不停交流🙂