51歲楊千嬅自拍手部插喉照片　驚爆曾經入院做手術：入廠檢查變維修

現年51歲的楊千嬅今年出道30周年，早前宣布將於11月底再度登上紅館開騷，但至今仍未有時間綵排，皆因最近工作相當忙碌，要周圍飛開工，昨晚（6日）才飛到成都為好友陳小春的演唱會做表演嘉賓，但今日（7日）她在IG分享工作照片，其中一張是身處醫院及手部插喉，透露連續開工12日「終於超額完成」，更大爆之前曾經接受手術。

楊千嬅近日工作非常忙碌，除了在內地與吳彥祖及陳偉霆出席品牌活動，又到杭州一間汽車品牌派月餅，昨晚才為好友陳小春的演唱會做表演嘉賓，手拖手合唱《野孩子》。

千嬅今日在IG分享工作照片，寫道：「12連工作天，終於超額完成。回想幾個禮拜前定期『入廠檢查』，變成『維修』，有點擔心，幸好是小問題。手術後幾天余春嬌趕及上台，直至現在非常感謝公司團隊同事們照顧和幫忙，上班時間以外仍操心為『私房菜』籌備，現在慢慢恢復中，但還是要好好休息，養好狀態，冇咩事，我都係返出去先，遲啲見 #最重要係身體健康。」

不少粉絲留言表示心痛及希望偶像好好休息，千嬅亦有回覆：「已經一早答應咗的工作都希望能盡力去完成，當然唔會勉強，所以宜家咪交待下，之後延後工作安排嘅原因囉。」

其後，千嬅再發限時動態寫道：「大家唔使擔心，只係小問題，因為想休息，調動咗啲工作安排所以交代一下啫！我尋晚喺台上面度唱「稀客」仲咁大聲，所以大家唔使擔心我一定會用最好嘅狀態去煮我嘅私房菜 #絕對冇捱壞啊 #我仲緊張過你」。