呂頌賢出院後最新照片曝光　身形激瘦面頰凹陷現疲態

憑1996年版本《笑傲江湖》中飾演「令狐沖」爆紅嘅演員呂頌賢，早前其妻麥景婷透露呂頌賢因肺部嚴重細菌感染而一度命危，及後呂頌賢向大眾報平安，指已順利出院返家，展開康復訓練。呂頌賢住院約兩周，體重驟減18公斤（約39.6磅），上月麥景婷曾公開與老公合照，相中見呂頌賢精神狀態唔錯，不過就未知合照係大病前定後所影。

日前，呂頌賢終於公開自己最新照片，留言指自己去咗食印度素食：「是時候慰勞自己啦 印度的素食，真心不錯！有興趣的也可以去試試哈」相中見佢明顯身形激瘦，手臂甚幼，面色略為枯黃，面頰亦見凹陷，疲態盡現，但精神仍然唔錯，似乎要恢復狀態仍需一段時間。同時佢又宣傳由內地花旦娜扎及成毅主演新劇《赴山海》，佢於劇中亦有參演一角，劇照大擺功夫Pose，似乎會有唔少打鬥場面。

東網網站 : https://on.cc/東網Facebook專頁 : https://www.facebook.com/onccnews/