香港美食：【香港壽司郎確認跟《排球少年!!》聯乘合作！必食蒜香搖搖脆薯條＋大量香港限定週邊！】

更新於 04月28日17:22 • 發布於 04月24日08:59 • 香港人遊香港

排球少年｜香港壽司郎確認跟《排球少年!!》聯乘合作

各位《排球少年!!》粉絲嘅朋友留意啦！早喺4月頭，香港同台灣壽司郎已經喺Facebook玩起神秘預告， Post咗一連串數字同顏色，眼利嘅粉絲即刻認出係《排球少年!!》角色中隊員嘅球衣背號同配色，令大家都推測會有《排球少年!!》聯名活動，今日香港壽司郎終於確認合作消息啦！今次聯乘活動有超吸引嘅限定美食，包括「鮮蝦牛油果海苔包」、「士多啤梨雲石白朱古力慕絲蛋糕」等等，購買聯乘美食都會送《排球少年!!》精品。另外凡堂食或外賣滿一定金額，即更可以加購以下香港限定聯乘精品，包括襟章、散紙包、斜孭袋、運動毛巾等等。聯乘活動即日起開始，喺壽司郎全線分店有售，其中聯乘尖沙咀店、荃灣綠楊店同銅鑼灣店就有主題裝飾。期間限定商品同加購精品數量有限，《排球少年!!》快啲mark低時間，約埋朋友準備開搶啦！

▲ 香港今日正式確認合作，喺社交平台上釋出宣傳海報。

▲ 壽司郎主題門市全部都變身成為「排球少年!!」粉絲嘅專屬聖地，從座位到桌面，甚至等位區都佈滿咗經典角色嘅插畫同視覺裝飾。

▲ 鮮蝦牛油果海苔包：附送聯乘限定角色插牌 (共20款，款式隨機)。

▲ 士多啤梨雲石白朱古力慕絲蛋糕：附送聯乘限定亞加力鑰匙扣 (共16款，款式隨機)。

▲ 搖搖脆薯條蒜香忌廉味：附送排球少年!!聯乘限定透明/雙面收藏卡(前半共6款，後半共5款，款式隨機)

▲ 只要喺活動期間消費夠指定金額，就可以加價購得《排球少年!!》聯名商品。

▲ 早前香港壽司郎出關於新聯名活動嘅神秘預告，網民推測係《排球少年!!》合作活動。