黃澤鋒指細女屬「大隻妹」佩服老婆仍可餵母乳 再追BB機會不大

黃澤鋒的58歲太太陳麗麗以超高齡誕下B女「小貴妃」，母女平安，女兒黃熙恩（小黃妃）做家姐，抱住妹妹超興奮。

再為人父的黃澤鋒接受《明報》電話訪問時表示，細女在上月22日出世，重3.34kg（7.35磅），他說：「（太太）37周時，醫生話適當日子要開刀，（B女）『大隻妹』，比家姐出世時六磅幾仲要重，妹妹出世，家姐最開心。」

黃澤鋒覺得細女同大女倒模一樣，好靚女，太太已返家坐月，又指細女「好大食」：「𠵱家係餵人奶同埋補充奶粉，好佩服老婆50幾歲仲可以餵人奶，覺得好神奇。」黃又表示太太生產過程順利：「同上次好唔同，上次係自然懷孕，今次係人工受孕，一切做好準備，喺威爾斯醫院同埋中大醫院睇住懷孕過程，醫院監控好嚴謹，血壓各方面數據keep得好好，太太係中大醫院最高齡生產紀錄，醫生會將佢研究，唔介意，可以幫助以後嘅人，喺中大醫院生BB。」

問到出院找數是否很貴，黃澤鋒表示用在老婆身上，主要是安全，不會覺得貴，見到老婆及B女好安全健康，覺得好感恩及好開心。問到會否再追多一個，黃澤鋒表示機會不大：「有兩個女已經好滿足，好感恩。」

（即時娛樂）