吳忻熹為前夫平反　認患癌前已經婚變

吳文忻積極面對。

吳文忻為圓夢推出首支個人單曲《重生》。

98年獲港姐季軍入行的吳忻熹（前名：吳文忻），為圓夢推出首支個人單曲《重生》，日前她接受電台節目專訪，節目中，她除了披露曾迷信令抗癌情緒陷低谷外，更首度承認與前夫離婚始於患病前，她說：「感情有問題非一日之寒，唔止一個人責任。」坦言要平反外間對前夫的誤會:「佢未必係個好伴侶，但一定係個好爸爸。」。

她稱小時候夢想是當歌手，可惜1998年華星新秀停辦轉而選港姐踏足娛圈，事隔27年唱歌的火重燃，是始於年初看《叱咤頒獎禮》直播，她說：「好歌手嘅得獎感言，話自己畀想像中強大，作為患病者去聽，係份外入心。當刻就幻想51歲嘅自己，出年可唔可以企喺台上做樂壇新人？就即刻幫自己拍咗條片，希望可以圓呢個夢。」

奈何對自己許下承諾不久，癌細胞突變擴散至第4期，更因心臟及肺部積水留醫16日一度徘徊生死，這次經歷促使她立志要今年達成心願：「尤其係留醫期間，醫生同我講咗一句話，佢話：『吳小姐，你要諗定，話定畀家人聽拔唔拔喉。』當刻聽落係覺得好離譜，但之後，我會反思原來我咁接近死亡，就反而激勵我唔好再拖延。」

吳文忻坦言因信仰及祈禱，幫助她度過留醫16日的難關外，亦助她捱過出院要坐輪椅、撐拐杖與及多次電療的痛苦。能完成《重生》一曲，她指亦因為信仰令她遇上一眾基督徒音樂人天使，他們全都不收分文助她完成單曲。她說：「係好神奇，心靈同念向好之後，好多天使出現，好似有力量Guide住我行呢條路，好感恩。」

宗教令她對人生重燃希望，亦令她反思放下執着。節目中，她罕有談及今年年中親口證離婚的前夫：「之前唔講，因為對方係圈外人，不嬲佢都唔鍾意，我亦唔想好似擺佢上枱咁。」亦指與前夫和平分開，再見亦是朋友：「由頭到尾我哋都係好好朋友，我哋美國讀書已經識，做唔成伴侶，做朋友都無問題。」

娛樂