Tiger 邱傲然《問多一次》 心酸地道出愛情走到盡頭之無力
Tiger喺個人出道第二年,首次推出情歌《問多一次》,心酸地道出愛情走到盡頭之無力。
「酒 乾多罐並無罪 但願能 不清醒一路宿醉 問為何 無止境地流淚」
當與愛人分開時,彷彿一下子失去支柱,無法接受,傷痛欲絕。每當清醒就要面對,只能借酒精讓自己沉睡,讓眼淚流得慢一點。時間係治療情傷嘅良藥,但亦代表我與你又走遠了一刻。
「何其刺痛 無路進退 時分秒繼續 向著前推」
內心不斷掙扎,好想問對方能否重修舊好,多困難都渴望有一絲挽回嘅可能。縱使深知答案唔會改變,依然想有一個答覆。無論如何我都會尊重你嘅決定,畢竟我還愛著你,我會自行離開,確確實實走一趟心死嘅旅程,以後各走各路。
「你願試多次嗎 能否 能否 再問你多次就能完 就夠 我就甘心了 哪用你 趕我走 也未算難透」
不過,要真正放棄又談何容易,未放低就係未放低,仍然幻想對方或者會回頭,可惜只係換嚟更多嘅失望。縱然對未來嘅盼望已化為烏有,但都希望你能留下彼此快樂嘅回憶。讓我帶著傷透嘅心,默默承受孤獨,故作堅強地走下去。
「我見過天空之大 不怕會跌死 唯一只驚你記不起 曾衷心給我抱緊的你」
愛情就係如此殘酷,以往多甜蜜也好,當一方決意離開,即使另一方仍然深愛,亦無能為力,只可獨自一人面對。
「決定放手了嗎 除非 除非」
《問多一次》演繹相當特別,以沉實嘅聲線唱出快要崩潰之情緒。聽完好似親身體驗嗰份絕望般嘅心碎,最後近一分鐘嘅outro更加將傷感凝固,在內心停留更久。
老虎仔嚟到第三首solo,再次有新嘗試。依首作品同早前嘅《三•八》舞台劇,都睇到佢嘅成長與魅力,絕對稱得上係一位有實力嘅歌手。係時候出返首甜蜜快歌比大家開心下!
「仍然很多理想 仍想 拼命游 盼望你心軟陪我走 把我拯救」
親愛的,你可唔可以比多次機會我?
《問多一次》Tiger 邱傲然
曲: 天衡
詞: Oscar
編: 天衡
監: 天衡
「你願試多次嗎 能否 能否
最後這一次就能完 就夠
我就甘心了 哪用你 趕我走
以後各走各的 以後
仍然很多理想 仍想 拼命游
盼望你心軟陪我走 把我拯救
你若始終也都 不想 回首
我亦決定承受
淚滴再別流
再扮作奮鬥」
▼Follow hkpopculturelover
Instagram: https://www.instagram.com/hkpopculturelover/