黎彼得故意講負面說話博流量 最後一次睇演唱會係《雪狼湖》

HOY TV廚藝比拼節目《領廚爭霸戰》初賽進行得如火如荼，今集除了有主持蔣怡和評判Ricky和Jacky之外，還請來嘉賓評判黎彼得，第一場初賽由張文采比拼BERYL，題目是「媽媽的味道」。

黎彼得早前於自家網上頻道發表惹火言論，狠批「阿豬阿狗都開到演唱會」，他表示是故意的：「𠵱家網上內容，如果唔係講負面嘅話，就冇流量，我係特登嘅，正面嘅嘢冇人睇㗎！網上嘅人最鍾意亂噏，咁我咪畀佢哋亂噏囉！好似開party咁！我好少睇演唱會同埋出現喺後台，我最後一次睇演唱會，已經係因為胡楓契仔張學友做《雪狼湖》，叫我去支持，所以阿豬阿狗開演唱會，真係唔係好關我事！」

說到媽媽的味道，Jacky就讚賞有加，Ricky就直言難食，自己才發奮圖強，成為出色廚師！蔣怡直言父母不懂下廚：「我最記得就係嫲嫲煮嘢食，我細個好鍾意食嘢，亦都成日肚餓，好似餓鬼咁！一放學返到屋企就即刻要食好多嘢，我嫲嫲唔係畀啲小食我食，而係煮新鮮嘢畀我食，雲吞呀﹑小籠包呀，總之煮定各式各樣點心等我返嚟，𠵱家諗返都覺得好難得，全部都係手造，仲要每日唔同款式，好有愛！𠵱家我傳承嫲嫲呢一種愛，我啲仔女一返嚟，就即刻整定曲奇，蝦餃﹑燒賣，唔同口味嘅點心，等佢哋返嚟食！」

（即時娛樂）