爆餡雪糕飛碟！$23碗榴槤撈！

話說唔知大家有冇睇過鏟薯條潮文，即係小薯鏟成大薯，大薯鏟成巨薯果篇，如果要定義呢間甜品，我會話就係X你X塞爆，隻匙羹先放咗一半，隻碗另一邊已經滿瀉果種。

呢間街坊甜品小店，都係主打手工嘢，有手炒黑糖芋圓，又有自己磨嘅中式糖水，紫薯芋泥都係手製。唔止嘢食爆滿，連場都爆滿，因為每星期都有兩日買一送一，最平先10幾蚊碗，超多街坊狗衝。

-
🥠炸芒果雪糕飛碟 (7pm前$25)
🥠炸榴槤雪糕飛碟 (7pm前$33)
超痴線嘅炸飛碟，酥脆麵包夾住雪糕，再塞滿芒果同榴槤，芒果寫明用呂宋芒，切到超厚肉又Juicy，冰火交融真心正。

🥭霸王甘露 (買一送一後$29)
- 芒果、西米、珍珠、涼粉、芋圓、柚子
🍠霸王紫米 (買一送一後$29)
- 芋泥、鮮芋頭、紫薯、紫米、桃膠、西米

🍨榴槤豆腐撈 (買一送一後$23)
1️⃣呢到啲甜品足料爆滿到癲，霸王呢款仲誇張，真係巨無霸咁，塞滿咁多款料。而且仲有唔少榴槤甜品，一定要試下豆腐撈，仲可以再加多球榴槤(+$17)。

2️⃣而且啲甜品糖水先20幾蚊碗起，逢星期二三1-9pm仲買一送一，即係最平10幾蚊碗，真心抵到痴線。(留意椰皇、炸物、榴槤麻糬冇)

🥥手炒黑糖芋圓蛋白椰皇 (熱/凍 $68)
正如上文講到佢地都係手工嘢為主，呢款黑糖芋圓都係手炒，芋圓煙韌甜身，搭埋底下椰皇蛋白啱啱好，重點係原個椰皇蛋白真係超香超滑。

-
芒B甜品
🗺️長沙灣青山道195號恆輝樓地舖
📞6267 5196
❇️留意星期二三1-9pm先有買一送一~

生活