拜仁翼鋒米高奧利斯最近接受拜仁球會雜誌沙賓拿51訪問

拜仁翼鋒米高奧利斯最近接受拜仁球會雜誌沙賓拿51訪問:

1️⃣請問你加盟之前對拜仁有咩了解?

奧利斯:「拜仁係一間好有歷史、好成功同埋有遠大目標球會。當我聽到拜仁對我有興趣嗰陣，我覺得難以相信。雖然只係加盟拜仁幾個月，但我就感受到球隊強烈爭勝心，因為球隊需要去贏每場比賽，呢樣同我之前效力水晶宮好唔同。雖然呢度踢波有唔少壓力，但係我鍾意咁樣，我覺得壓力可以令我變得更好😄。」

2️⃣請問你對德甲第一印象係咩?

奧利斯:「令我印象最深刻就係一班球迷，佢哋跟住我哋去唔同地方，就好似酒店、球場、訓練中心，佢哋嘅熱情令我哋更強大，球迷同球員之間聯繫真係鼓勵到我🥰。」

3️⃣請問你著住拜仁波衫會唔會好大壓力?

奧利斯:「每次睇到波衫上面嘅拜仁隊徽都會覺得好正，但我成日想提升自己，希望自己係最高水平保持穩定表現。我唔單止想同拜仁一齊贏好多冠軍，仲想係重要時刻有出色表現，同球隊一齊寫下歷史新一頁，為大家留下深刻印象🙂。」

4️⃣請問你點睇自己被拎去同洛賓、列貝利進行比較?

奧利斯:「兩位都係非常出色球員，我細細個已經好鍾意睇兩位踢波，我亦都係兩位身上學到啲野，就好似洛賓右邊內切射波，但我唔鍾意拎自己同其他人比較，我唔係洛賓/列貝利，我係奧利斯😎。」

5️⃣請問你慕尼黑生活係點樣?

奧利斯:「慕尼黑真係一個好城市，呢度嘅人都幾熱情，令我好快就覺得舒服。不過，由於賽程安排太過頻密，去到目前為止我都好難四圍睇下🥲。」

▼Follow足球仁
Instagram:https://www.instagram.com/football_yern/