《新聞女王²》黃宗澤寸嘴登場　狂飲國產舒化奶成焦點

由佘詩曼、黃宗澤、李施嬅、高海寧、王敏奕等主演的TVB台慶劇《新聞女王²》昨晚（11月10日）首播。上季馬國明飾演的梁景仁（佐治）因在報道暴雨新聞時救人殉職，新上任的SNK總監、堪稱「算死草」的古肇華Kingston（黃宗澤飾）隨即為佐治舉行盛大喪禮，呃收視、呃流量、呃民心。因為佐治的喪禮，原本已各奔西東的四位昔日和現任SNK「新聞女王」—已退隱新聞界半年的文慧心Man姐（佘詩曼飾）、SNK副總監張家妍（李施嬅飾）、已轉戰跑道擔任政府新聞主任的許詩晴（高海寧飾），及公開平台創辦人劉艷（王敏奕飾）再度聚首。一直靜待機會復出的Man姐，因元朗一幢舊樓突然倒塌、吼準時機坐「直昇機」飛抵現場、在高空直擊事件強勢復出。

首度加盟《新聞女王》系列的黃宗澤，第一集的演出自然成為焦點。昨晚一集三個簡單場口，配以黃宗澤（Bosco）的Mean爆「笑面虎」演出及涼薄對白，令人留下深刻印象。首先在佐治追思會上，Kingston（Bosco飾）先以極Mean言辭鬧爆導演路芙，再強裝和顏悅色並叫大家加油，笑裡藏刀令人不寒而慄。另外，不少預先在內地網觀看劇集的觀眾發現，黃宗澤劇中飾演的古肇華對一款國產舒化奶愛不離手，主播台、辦公室內全程舒化奶不離手。

《新聞女王²》不少個案事件均由真實事件改編而成，以第一集的元朗龍田圍八層房屋倒塌事件為例，便是取材自2010年的馬頭圍道唐樓倒塌事件。馬頭圍道唐樓倒塌事件起因是當時有裝修工人於大廈地下清拆僭建物時，懷疑誤毀主力牆，令唐樓四層半樓面建築在短短十多秒內突然倒塌。當時唐樓倒塌事件轟動全城，由於牽涉多個持份者，責任誰屬成爭議焦點。

黃宗澤飾演的Kingston在冧樓事件發生後表明立場：「拍到咩全部直出，唔打格仔、唔做後期，死要見屍，生要見血。」，嚇得同事姜力恆（姚宏遠飾）急忙表示怕「過唔到Censor」，豈料Kingston淡定謂：「預咗啦，罰錢咋嘛」、「非常時期用非常手段」、「危機即係商機，廣告套餐只係Fast Fashion（快速時尚），唔值錢！度身訂造，賣貴好多！」而在Ending一幕，Man姐的直昇機遭到突如其來的爆炸影響搖擺不定，Kingston見狀即擺出一副極賤格嘴面表示：「跌落嚟真係大新聞喇」，由於表情與對白神配合，獲網民封為最新潛力圖於網上瘋傳。

出名對白精警的《新聞女王》系列，第二季第一集即釋出大量警世又貼心金句，例如文慧心：「傾兩句就話洗白，唔扯頭髮又話爛尾，所有嘢都係觀眾一廂情願咋嘛！」；友台記者賴彥妤：「做高層唔駛識新聞嘅，識人情世故就得嘞！」；許詩晴對劉艷：「今次我哋可以為咗利益而合作，下次都可以為咗利益而反面。」；張家妍：「你見到嘅只係視角，唔代表事實；其他人見到嘅只係觀點，唔代表真相。」；文慧心：「想做王，就要守住自己的領土，寸土不讓。」；文慧心對陳子傑（譚俊彥飾）：「命運係靠自己去爭取嘅，我唔係等運到，我係等風到……如果你把握好風勢，細細力都可以去到很遠。」；古肇華：「危機就係商機，廣告套餐只係Fast Fashion（快速時尚），唔值錢！度身訂造，賣貴好多！」