台慶音樂劇被指「走音大災難」　陳豪唔開口唱微笑支持

TVB《萬千星輝賀台慶》昨晚（11月19日）舉行，慶祝58周年台慶。表演環節中，陳豪、譚俊彥、張振朗與高海寧（Samantha Ko）帶領多名後輩以音樂劇形式呈現的「光影傳承．薪火對話」成為網上討論焦點，多個演員演出時走音，被網民形容為「魔音大會」。

表演中，譚俊彥演繹經典歌曲《葡萄成熟時》時連番走音，音準不穩，令觀眾錯愕。張振朗與林俊其合唱《我》時，將顏料「照頭淋」，兩人成面顏料地互搭膊頭勉勵之餘，互笑著互稱對方「王浩信」、「張智霖」。

高海寧表演《我們都是這樣長大的》時歌聲相對穩定，並哽咽鼓勵李海銅：「妳依家經歷嘅迷惘種種，我以前都經歷過，只要堅持終有日大家都會記得妳。」惟其後有觀眾指出，她「唔咪咀」，疑似以預先錄製的聲帶作演唱，現場只做口型演出。

最後的大合唱中，多名年輕演員包括何晉樂、梁超怡、鄧伊婷、鍾晴及李海銅等演唱《小伙子》，卻多次未能找到Key，表現慘遭網民批評「災難級演出」，是「史上最難聽《小伙子》cover」。而原本預告會主唱該曲的陳豪，最後出場時，寧選擇全程微笑拍手支持後輩，連口型也沒有配合。

節目播出後，網民在討論區留下大量批評，有人笑稱女演員們「好有主見 一人揀一個Key自己唱」、「搵到咁多個都唱得咁難聽都好高難度」、「一人練一句啫，點解可以唱到咁？」、「其實唔簡單，咁多個人都可以無個啱音，就算合唱都唔啱音都係第一次見 」、「難聽到我以為個tablet壞咗」、「個個都五音不全搞咩」、「陳豪就醒目 0唱😂😂😂呢個表情🙂不停微笑拍手幫班人加油。」

有網民就嘗試分析，指因為「第一個一入錯，個個都跟住錯」，並建議「編排唔一定要個個solo一兩句啫，喺呢班裏面搵幾個係唱到歌嘅就帶領其他，Chorus嗰度一齊唱幾句咪算囉。」