郭秀雲災場攬實獲救寵物　狗主道謝：當日唔知道你的名字

大埔宏福苑發生五級大火，造成多人和動物傷亡。火災當日有一名宏建閣的災民在社交平台發文尋狗，透露15歲愛犬灰色貴婦狗Jason獨自在家。幸好Jason於翌日獲救，除了脫水外，身體狀況大致良好。狗主當日都有出帖文感謝「義工姐姐」，今日（12月1日）凌晨再出帖文，公開感謝當日的「義工姐姐」郭秀雲。

狗主在Jason獲救後分享在11月27日早上拍攝的短片和照片，寫道：「安好。消防員救出後，義工姐姐攬到實幫佢保暖。好精神、好生猛海鮮、跑好快、好好胃口、好多野（嘢）講」。當日狗主並未得悉「義工姐姐」原來是的1988年華裔小姐季軍郭秀雲。

今日（12月1日）凌晨狗主再出帖文，寫道：「27號朝早0928。我見返Jason嘅第一眼就係咁樣，Sharon坐喺地下，攬實緊佢。Sharon話見Jason救返出嚟後喺個籠入面係咁震，見佢好驚又凍，所以攬實佢，我當日唔知道你的名字，好多謝你，郭秀雲小姐。」

狗主亦在社交平台貼出有消防員以訊息聯絡他，通知Jason獲救的好消息。狗主在社交平台分享貼與消防員的對話截圖：「多謝你哋用你哋嘅生命去救我寶寶。」、「千言萬語都唔夠形容我對你哋救命之恩嘅感激」。狗主之後亦有更新Jason的情況：「Jason 健康檢查，超聲波同x ray肺、氣管、胸腔、心臟同驗血all冇事，健康的，只係有少少脫水，醫生話大致上良好，因為好精神生猛，跑得快，又好食得，脫水要俾時間慢慢恢復，大概一至兩星期」。

郭秀雲一直很喜愛動物，亦是「愛護動物協會青少年動物拯救隊」成員、香港海豚保育學會及Bloom的大使、香港野生救援及藍色使命的董事、香港鸚鵡救援創辦人等，多年來為爭取動物權益出心又出力。今年5月，她曾為勇救一隻鸚鵡走出大廈外牆平台，更因而擦傷流血。