[吉野山自由行‧不敗遊櫻花山谷攻略] 🌸✨
雖然櫻花季已過，但奈良吉野山嘅一目千本奇景，稱得上係一生必賞嘅地方都不為過！今次分享自由行遊山攻略，大家可先收藏，留返下年再追櫻！（字數有限，詳細吉野山背景可Google一下，今次我係純雞精式分享。）
＜❓＞即日來回還是住山腳，兩日一夜遊山好？
經驗嚟講，如果你10點左右抵達吉野山，即日來回係勉強夠玩！如果分兩日則鬆動啲，可行得再深入啲，收集下御朱印，可一日玩奧千本～中千本；一日純玩下千本～中千本。
＜❓＞整個月都睇到櫻花，什麼時間嚟最精彩？
吉野山絕絕絕對係當下千本～中千本滿開時最值得嚟！因為遊奧千本或上千本，其實都係往下望，睇下千本至中千本嘅花…😂奧千本金峰神社除咗上山嘅樓梯步道，其實係無咩櫻花架！個人覺得無咩睇頭。
想知幾時滿開，可Down「桜のきもち」App查看，非常準確！
🌸 即日來回建議
吉野駅 > 乘登山巴士直到中千本 > 乘登山巴士直到奧千本＞由山頂慢慢玩到落下千本＞坐纜車回吉野駅離開
✴️ 必遊嘅景點大致同下面2日1夜嘅差不多，只是時間較急，同埋要放棄去下千本食好西（最好帶個飯盒上山）～
🌸 兩日一夜建議(Day1 或 Day2可隨心掉轉)
Day 1️⃣ 吉野駅 ＞ 乘登山纜車由「千本口」駅至「吉野山」駅 > 遊下千本至中千本*
⭕ 推介景點： 金峯山寺藏王堂、銅鳥居、吉水神社（這兒展望台可睇一目千本大景，不過要注意5點就關門）、沿途餐廳及土產店（隨後介紹）
Day 2️⃣ 吉野駅 ＞ 乘登山巴士直到中千本 > 乘登山巴士直到奧千本＞由山頂慢慢走到中千本＞在中千本坐巴士回吉野駅離開
⭕ 推介景點：金峰神社、西行庵、花矢倉展望台
❌ 個人不推薦高城山展望台，行餐死但都係睇隨處可見嘅櫻花景…😑而且遠眺下去嘅城市景絕對無睇頭，唔夠時間skip都無損失…
P.S. 2日1夜，如果你能Book到山上嘅住宿就最好，但櫻花季預咗9成Full晒！Book山腳或橿原市都不會浪費好多交通時間！
＝＝＝＝＝＝＝＝＝＝＝＝＝＝＝＝
＜交通＞ 京都或大阪出發
由大阪或京都坐車到吉野駅，一般約2小時車程（詳細搭法可Google睇下）。喺咁多個交通方式，個人推薦坐JR特急指定席車，貴幾百円～一千多円，但時間比普通車快半個至一小時不等，重點喺中間轉車嘅「僵原神宮」駅，google只係比2-4分鐘時間轉車，過程要上上落落，經驗係要用跑嘅方式先趕到，如果miss咗把車，直接要再等半個鐘…耽誤嘅時間比想像中多！如果你扶老攜幼，絕對建議唔好貪平坐普通列車。
＜下篇再分享遊山必食推介～＞
✾分類標籤
#daydaycheckin_japan
👆ᴿᵉᵃᵈ ᴹᵒʳᵉ
★－:+:－:+:－:+:－:+:－★
🎀 記得like埋我，每日放送打卡好去處！📸
http://www.facebook.com/daydaycheckin
http://www.instagram.com/daydaycheckin
💗ᴿᵉᵃᵈ ᴹᵒʳᵉ