消息指拜仁唔打算同迪亞續約

根據德國傳媒Fussball消息，拜仁教練甘賓尼對烏柏美簡奴同金玟哉中堅拍檔好有信心，呢樣令到迪亞今季比較多時間只係成為球隊後備中堅。雖然迪亞最近上陣時間有所增加，但係迪亞年薪去到700萬歐羅同今季季尾就會完約，所以拜仁傾向唔同呢位英格蘭🏴󠁧󠁢󠁥󠁮󠁧󠁿球員續約😶
事實上，拜仁體育總監艾巴爾上個月曾經被記者問到關於迪亞續約，艾巴爾當時就話「我哋好開心迪亞同我哋一齊，但係我哋仲未進行續約談判，我哋專注返今季比賽，唔洗成日講同合約有關嘅話題😉。」

根據圖片報記者Christian Falk消息，拜仁希望搵一位年輕中堅去代替迪亞，而拜仁體育總監艾巴爾最近仲親自飛咗去葡萄牙🇵🇹里斯本考察士鉢亭中堅迪奧文迪比賽，拜仁對於呢位科特迪瓦🇨🇮中堅好有興趣，並且將呢位中堅列入轉會名單🙂