宣萱社交平台和網民貼地互動　被許願邀古天樂一齊玩

早前因為熱氣球事件在香港成為熱話，令宣萱早年演《萬凰之王》中坐熱氣球的截圖被出圖，更被網民稱為「香港坐熱氣球第一人」。而宣萱近日就乘勢在threads開設帳號「jessicahsuan_official」，而且常常和不同網民互動，被讚夠貼地又識玩。

日前有網民翻出當年宣萱向TVB高層發聲投訴的影片，片中宣萱提到：「我哋開工等成三四個鐘，但係遲到一句sorry都唔使講，公司亦唔會講一句教佢哋嘅說話，但係我哋唔敢遲到，遲到會俾人篤住嚟講：點解遲到……」已經引來宣萱本人留言回覆：「多謝公司當年冇雪我。」
之後有網民貼出她當林家謙演唱會嘉賓的相片留言：「宣萱面前，佢勁cute。」宣萱竟然又親自回覆：「係對住Tyson佢勁cute。」再來有網民許願：「宣萱可唔可以邀埋古生一齊玩threads啊？」宣萱就搞笑回覆：「下一世我盡能力試吓。」加上一個emoji表示無能為力。