根據德國天空體育消息，拜仁中堅烏柏美簡奴同經理人唔打算向拜仁作出任何讓步

🚨根據德國天空體育消息，拜仁中堅烏柏美簡奴同經理人唔打算向拜仁作出任何讓步，佢哋已經向拜仁提出人工要求，依家唔排除烏柏美簡奴有機會係2026年夏天以自由身離隊。不過體育總監艾巴爾將會盡力令雙方達成協議，因為拜仁好想同呢位法國🇫🇷後衛完成續約😶

💥根據德國Sport 1消息，烏柏美簡奴希望可以加人工，佢覺得自己表現值得有更好待遇，尤其係烏柏美簡奴已經成為拜仁後防核心，憑住速度同侵略性展示出色表現。同一時間，兩位拜仁隊友梅斯亞拿同戴維斯最近因為續約都有唔錯待遇。如果烏柏美簡奴最後以自由身離開，將會對拜仁造成巨大影響，拍得住幾年前艾拿巴轉會加盟皇馬🙃

💣雖然拜仁總監艾巴爾已經公開表示希望同烏柏美簡奴續約，但拜仁內部存在堅持控制人工開支聲音，類似之前對於利萊辛尼做法。如果球隊堅決執行人工政策，烏柏美簡奴唔係無可能離開球隊。如果真係離隊，拜仁需要投放資金簽代替者，最近傳出人選包括水晶宮中堅基爾同埋多蒙特中堅舒洛達碧😉