林泳淘接粗口詐騙電話　爆粗還擊後報警備案

前《東張西望》主持林泳淘（Wingto）離開TVB後，2021年與拍拖14年的初戀男友林卓立結婚。Wingto轉型做KOL人氣不減，經常出席品牌活動和擔任主持工作。近日Wingto在社交平台分享收到追數電話，更被對方以粗口「問候」，她一怒之下立即報警，「原來收數係依家新嘅騙案手法」。

林泳淘在社交平台發帖文，寫道：「平時都收唔少詐騙㗎啦（例如圖二）啱啱竟然有人打嚟講晒粗口咁話要收數，我即時燥咗，同佢X完一輪之後，就即刻報警，原來收數係依家新嘅騙案手法，不過細膽嘅人可能真係會俾佢嚇親，大家小心。」

Wingto提醒大家要小心處理：「手法如下：佢會講出你全名，叫你還錢。（但講唔出你爭邊間公司錢）佢會有你身份證同地址，之後恐嚇要上去你屋企。基本上你話資料錯誤，佢就會俾你嚇窒（因為報警嘅時候佢都有講好多報案人指資料係唔update嘅，包括我）。騙徒嘅手法層出不窮，不過無啦啦俾人問候，真係令人0秒躁底（可能因為就嚟M）大家記得提醒身邊嘅家人同朋友要小心喔。」

最後，Wingto強調沒有借錢習慣，提醒朋友要「粗暴X醒我」，她寫道：「順便講埋，我從來無問人借錢嘅習慣，如果有日你收到我問你借錢嘅信息請粗暴地X醒我。我一定係唔清醒。」