拜仁今夏透過賣走球員慳返3500萬歐元人工開支

🚨根據圖片報消息，拜仁今個夏天透過賣走球員慳返3500萬歐羅人工開支，球隊透過放走利萊辛尼（2000萬歐羅）、湯馬士梅拿（1700萬歐羅）、京士利高文（1700萬歐羅）、柏連拿（850萬歐羅）、迪亞（700萬歐羅）、迪爾（400萬歐羅）、保羅雲拿（200萬歐羅）同埋阿斯努（33萬歐羅）八位球員離開球隊，總共可以慳返大約7600萬歐羅😶

💥拜仁今個夏天簽入迪亞斯（1400萬歐羅）、積臣（1400萬歐羅）、達亞（900萬歐羅）同埋比索夫（400萬歐羅），呢幾位新加盟球員加埋人工開支大約係4100萬歐羅。雖然拜仁可以慳返3500萬歐羅，成功削減球隊人工總開支12%，但係球隊進攻選擇比起以前少左🙃

💬拜仁榮譽主席漢尼斯接受訪問就話「我哋對拜仁情況非常滿意，我覺得拜仁係今個夏天轉會期最大贏家，我哋擁有一隊強大球隊，所以唔需要簽大量新球員。我哋有15、16位實力強勁嘅球員，仲有兩至三位年輕球員，教練嚟緊一定要將呢啲年輕球員列入球隊大軍名單😉。」