陳柏宇新作《漂流木》 唱出戀愛共鳴

每個人內心都想搵到能夠依靠嘅對象，陳伯新作《漂流木》正以此為題，唱出滿滿共鳴。

「跌碰多久 命運裡漂淌似蜉蝣 破碎多久 活著也只跟風向走」

人生其實同喺大海漂浮一樣，有時會迷失，有時無法控制向前或後退，終日大風大浪，變化不斷。心中總會想搵個小島上岸，可惜事與願違，只能隨風漂流，喺大海中孤立無援，前路彷似一片灰濛。

「還有一位廝守 航程無常亦有日後 茫茫洪流 亦一起盪向盡頭」

直到遇上一位相愛嘅人，就好似喺茫茫海洋中搵到能夠相依嘅木頭，互相照顧，攜手面對風雨。只要有你在旁，縱使無法腳踏實地，再不能登上島嶼，再無方舟接載，內心仍然感到無比安穩。以往沉悶嘅旅程因你變得有趣，每份平淡都變得珍貴。

「固定原來極罕有 獨你陪伴我擔憂 命途難調順仍未會鬆手」

任世間再多巨浪，亦無法沖散握緊手之我們。彼此嘅愛到白頭依然不變，執子之手，與子偕老，繼續在洪流中向前進發。

我嘅人生或者相當平凡，但過程中有你陪伴就足夠，幸福其實可以好簡單。

「浮世間沖不散 是我倆挽的手」

陳伯近年嘅作品相當多元化，有玩味重，有講人生，有講愛情，屢屢為樂迷道出心底話。演繹上亦更成熟，睇到佢嘅轉變與成長。陳柏宇嘅歌聲亦係一塊可以捉緊嘅木頭，溫暖地陪伴大家喺茫茫大海中打拼。

「共浮沉仍安穩似獲救 惟名和份大海不可朽」

最後，希望大家都會珍惜願意與你共患難嘅身邊人❤️

《漂流木》陳柏宇
作曲：溫翰文
作詞：T-Rexx
編曲：溫翰文@emp
監製：Edward Chan

「和你終生廝守 前行無常 力抗荒謬
人潮無情 未可知浪有盡頭
靠岸如童話虛構
沒有船未見沙鷗
共浮沉仍安穩似獲救
惟名和份大海不可朽

敵潮流憑一雙
百煉配偶」

▼Follow hkpopculturelover
Instagram: https://www.instagram.com/hkpopculturelover/