【灣仔美食】食完未讓我發達的叉燒

你想發達嗎? 香港地邊個唔想! 香港人鍾意好意頭，店名用「發達」、「八」等字眼往往比較感覺討好。灣仔蘭杜街的「發達叉燒」改啱名，加上有名牌(鋒膳)效應，因此二月開張至今都人氣旺盛。

這天既然來到灣仔，就去發達，抵達時才剛好中午12點，店外已經有超過十人在排隊，還以為去了投注站，個個排隊入去買個發達希望。

當刻剛好有個單丁位，而條隊之中只得我一個是單獨前來，於是不用等候便能直接入去，仲唔係好彩是什麼!

為了叉燒而來，當然想食叉燒，但見到鄰座點的燒鵝髀又幾吸引，有一刻心動，最後還是決定專心食叉燒。

「叉燒雙蘭王蛋飯」(HK$88)

叉燒蛋飯賣HK$88，以一般燒味店而言是略貴，但以這店的名氣，加上灣仔近金鐘的地段，這個價錢尚算合理。

點餐時忘記選肥叉，於是端上給我的是「標準叉」，有少少燶邊，可是肉質太瘦，咬落少少過硬身，這叉雖然並不差，但無法用非常好來形容。

兩隻蘭王蛋才是最大亮點，不論色水和蛋汁都搶盡了叉燒的風頭，HK$88當中很多比例分數是給蘭王，算唔算錯重點呢!

例湯

叉蛋飯，真的是本土派舒適治癒系食物代表，這客叉燒飯仍做到這個感覺，儘管不算太高分。

仲會唔會幫襯? 如果嚟開灣仔，唔洗排隊，又有肥叉的話，或者可以再試，要排隊的話就免問了，何必浪費時間呢。

發達叉燒

地址: 灣仔蘭杜街2號地下2號舖

營業時間: 12:00 – 16:00, 17:00 – 21:00

請關注飛叔平台:

Facebook專頁: 飛叔生活 Kelvin Leung

Instagram: kelvinyfl

生活