前拍檔陳佩思逐點反駁　斥「熱氣球阿媽」：張開眼說大話

「熱氣球阿媽」Botan(又名菠丹/Dreamy)因月前熱氣球事件受訪而人氣急升，不過之後亦惹來網民爆料，指她曾涉經營Playgroup「走數」，前生意拍檔藝人陳佩思(Pancy)亦指她不負責任。之後Botan再上YouTube頻目「會十八」解畫，當中有大量解釋，不過之後Pancy再在IG出長文逐一反駁Botan的解釋，更直指她：「完全唔make sense ，請不要繼續張開眼說大話。」

Pancy在長文開首已經說Botan講大話：「何小姐還是選擇繼續張開眼說大話？但我相信網民還是有分別是非的能力。」當中提到和Botan合伙的零食公司為「有限公司」，所以二人都有責任每年為公司報稅和提交報告，所以Botan口中的「交畀Herbert」打理說法不成立：「佢話送咗間舖俾Herbert，咁點解我仍然會收到政府嘅通緝？點解政府唔係直接寄信俾Herbert係寄俾我？
而舖頭嘅名仍然係我、交租仍然係我，政府通緝係我，而唔係Herbert！」而Pancy亦指Herbert只係她們的員工：「而且你喺片度都提過佢要養病，佢又點會take 咁大個risk去接手一盤要自負盈虧嘅生意。」亦提到當年Botan消失後沒有被追究，是因為她替Botan收拾殘局：「你不負責任一聲不響地就走咗失蹤，搵唔到你，我是你的partner，如果我都唔處理，你同我都會俾人拉，你唔介意，我介意。你最後冇事係因為我幫你承擔咗你的責任，讓你繼續喺外面逍遙法外。」文中更說到自己嬲爆：「我隔住個mon簡直係嬲到血壓上升到200，你全部都係大話，冇邏輯嘅大話」