BL劇牀戰謝幕 CP大受歡迎 王智騫范麒智社交網增2萬粉絲

由王智騫（Martin）與范麒智（Kenji）主演的台灣BL劇《靈魂約定》，播出以來，2人人氣急升，令他們的社交平台在3個月內急增逾2萬多粉絲，日前劇集播出大結局，Martin、Kenji到台灣出席終映會活動，與數百劇迷近距離見面。對於在BL劇獲亮麗成績，他們心感滿足，更為演藝路注下強心針。

劇集《靈魂約定》播出近3個月，日前迎來結局篇，2人有情人終成眷屬，當中更有一幕尺度令人嘩然激烈牀戲，Martin表示：「播到尾聲，感覺好神奇，好似同Kenji又完成創舉，因為由開拍到播完，短短唔夠1年內完成，大家學到嘅嘢真係好多。嗰場牀戲係我哋套劇煞科前最後一場戲，感受好深，因為我本身都冇試過拍牀戲，完全冇經驗，拍攝過程同Kenji相處咗咁耐，大家建立好多信任，都冇尷尬，我只怕自己做得唔好，好彩Kenji畀咗好多信心我，神奇地拍嘅時候，導演係冇cut同NG，我哋一take過完成。」

日前在台灣舉行劇集終映會，吸引近數百劇迷到場，席上除了Martin跟Kenji獻唱主題曲《換不了的你》外，亦為壽星仔Kenji慶祝生日，為終映會掀起高潮，Kenji稱：「今次過程好難忘，啱啱過去大半年嘅努力，好似出成績表咁，喺呢一日透過大家對部劇同埋對我哋支持，一次過收到哂。加上當日同我慶祝生日，好感受到大家背後嘅支持，希望嚟緊可以拍到更加多好嘅作品畀大家。」

Martin和Kenji因劇集而人氣急升，他們的劇迷更叫做「茶葉」，名字由來自劇中他們的角色，Martin飾演夏茶、Kenji飾演葉海淵；而提到今次BL劇的成績理想，他們會否繼續以BL劇為發展目標？Kenji指：「我相信以BL劇為目標呢樣嘢會暫告一段落。不過如果短期內要搵新partner同我組CP，我會好唔習慣，就算真係有一套新嘅BL，我諗我都會想同返Martin一齊。」Martin指他的目標是希望可以在大銀幕跟大家會面，而在遇到合適機會之前，他會繼續裝備自己。

（即時娛樂）