MC新歌自嘲身高做題材　邀Billy Choi、曹星如合作

MC張天賦於今年初啟動 #project1201、年中推出新碟《Sweet & Sour》，今日（10月10日）推出本年度第三首新歌《168.5（feat.BILLY CHOI）》。新歌《168.5》請來Billy Choi作曲填詞及featuring，原來是因為「身高」一拍即合。

MC希望下隻專輯可以有不同題材或曲風，因此想做一首hip hop歌：「我其中一個諗法就係搵Billy！因為呢首歌我哋第一次見面，我相信我哋雙方都有『審視』過大家嘅！咁就覺得不如攞『身高』嚟做題材都幾好喎！同埋叫做互相鼓勵下大家囉！」Billy亦搞笑地說：「叫做大家都有個『共通點』咁，哈哈！我有聽MC嘅歌，記得曾經在社交平台用密友形式分享過MC嘅《時候不早》，嗰陣時俾朋友笑，我同佢哋講你哋睇住嚟，我終有一日會同MC一齊整隻歌！today is the day！」

《168.5》想分享縱使身高可能未達世俗眼光「標準」，但MC認為最重要的是需要擁有自信，用實力「再創新高」。MV更請來香港拳擊運動員曹星如、花式足球員吳梓禧、香港劍球運動員潘昊臨及職業健美選手Johnson Chan等人參與演出。MC及Billy亦分享當日拍攝MV經歷，Billy說：「炒航拍機幾好笑，即係我唔應該笑，但我覺得係幾好笑！」。

MC覺得這個MV是他拍得最開心的MV之一：「因為有2個人拍MV，一來可以分擔咗啲嘢，休息嘅時間多咗，第二就係實在有一班太犀利嘅人參與呢個MV而且係令我估唔到！我哋今日有打泰拳嘅人、有Rex曹星如，亦都有玩劍玉同埋花式足球等等，全部都係啲好叻嘅人，佢哋都令我對呢首歌嘅信心再大咗！希望呢首歌可以傳遞到正面嘅訊息俾大家！」兩子更異口同聲說：「各位男仔！168.5絕對唔矮！發揮你嘅天賦，發揮你嘅潛能！最緊要有自信！」。

兩位最後得知拳擊運動員曹星如真實身高是171cm時，Billy不禁反問MC，佢高170但我哋兩個企埋佢隔離但高過佢會唔會好奇怪？惹得全場大笑。MC立即搞笑地叫同事：「唔好影腳！唔好影腳！」