兩位日本福岡米芝蓮料理長 發辦日本傳統「割烹」高級料理🇯🇵 [ 馳走 冨木 ]

最近發掘到中環呢間隱世日本料理店😍！！店內有十個吧檯座位，由兩位曾於日本🇯🇵九州福岡米芝蓮食府擔任料理長嘅「冨田耕平」及「内木雄一」先生，聯手👨‍🍳發辦日本最傳統嘅「割烹」高級料理。

店內有兩款晚餐omakase套餐，所有食材從日本產地直送，當中絕大部份來自九州。

✿ Omakase 11品晚餐 $1780/位

11品料理會因應季節食材變化而定期轉換。

第1品
蜆肉(福岡)清湯
師傅將蜆肉加日本清酒煮成蜆湯，味道鮮甜帶少少清酒香味。

第2品
炸稚鮎(和歌山)
師傅將稚鮎幼魚炸得外層薄脆，魚味豐富。伴碟醬汁用愛知縣嘅草本「蓼」混合醋，微辣帶酸，沾稚鮎食好開胃👍。

第3品
時令刺身
當晚款式係白甘鯛(長崎)、金目鯛(大分)、障泥烏賊(福岡)。刺身魚肉質鮮嫩，障泥烏賊比普通烏賊口感更黏糯更鮮甜🤤。

第4品
赤海膽(佐賀唐津)炸瀨尿蝦(北海道)
第一次食呢個配搭，超有新鮮感😍！師傅係脆脆紫菜放上炸瀨尿蝦及赤海膽，炸瀨尿蝦嘅咸香脆口加埋鮮甜赤海膽，層次豐富。

第5品
鱧魚(大分)魚湯
鱧魚即係海鰻，師傅將鱧魚魚肉、即刨鰹魚乾片、秋田縣蓴菜、即磨鹿兒島秋葵等食材熬湯，味道好清新，蓴菜及秋葵令到口感滑嘟嘟。

第6品
白燒野生鰻魚(熊本 天草)
鰻魚皮烤到薯片咁脆口😮，鰻魚肉緊實彈牙，沾少少即磨靜崗山葵味道更豐富。

第7品
平貝(佐賀)伴野菜
平貝好大粒好厚肉😳，鮮甜彈牙，伴沖繩粟米芯、福岡蜜糖豆、靜岡芋頭仔等野菜，再加咸咸地嘅鰹魚啫喱，配搭特別又幾清新。

第8品
A4和牛里脊肉(宮崎)
師傅將和牛慢煮完再燒至外熟內粉嫩🤪，里脊肉肉質軟嫩，入口即化。沾上伴碟靜岡枝豆醬，降低油膩感。

第9品
日式炊飯
原煲砂鍋飯，材料有富山櫻花蝦、宮崎粟米、福岡蘆筍及少量薑絲。日本飯粒好軟熟，粟米超甜👍。

第10品
清甜嘅長崎縣琵琶，配酒味香濃嘅日本梅酒啫喱。

第11品
鶯餅麻糬
第一次食席前即製嘅日式麻糬😍！師傅用糯米粉及紅豆餡煮到成形，再沾上綠色黃豆粉，麻糬熱辣辣超軟糯🤤。

總結
店內所有食材由日本產地直送，而且用料上乘，更可以食到由兩位日本福岡米芝蓮師傅製作嘅傳統割烹料理。

✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
馳走 冨木
地址：中環士丹利街11號Stanley 11 19樓
電話：5566 1011
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

▼Follow konglui.food 港女食好西
Instagram: https://www.instagram.com/konglui.food/