金像男配遭恩師控訴　忘恩負義謀財害命

藝人馮皓揚（羊羊）憑演弱聽與四肢痙攣的少年版蘇樺偉的電影獲得金像獎最佳男配角，近日播出的台慶劇《巨塔之后》裏面演患驚恐症的「柯睿暉」，精湛演技獲網民大讚。

近日前小童星訓練學院創辦人Momo校長，於社交網發布影片，控訴馮皓揚及其母親忘恩負義，「成三年幾啦，我諗咗好耐，今日決定將塊傷疤揭開。點解？就係想用我嘅教訓，等所有心腸好、成日無條件付出嘅人睇清楚，學識點樣保護自己，千祈唔好好似我咁，做咗老襯至嚟後悔。#第40屆金像獎男配角 #馮皓揚」，貼文曝光後引起網民熱議。

片中，Momo校長透露馮母曾以沒有錢交學費為由，請求她讓兒子免費上堂，當時她心軟答應了對方的請求，但後來發現馮皓揚家中原來有經營髮型屋以及其他生意。Momo校長自言視馮皓揚如親兒子般栽培，「我收咗幾年學費，傾囊相授，用盡人脈，推佢上金像獎嘅舞臺，佢亦都冇令到我失望，攞到第40屆金像獎男配角。」她又指對方為前途提出解約：「佢17歲嗰年我因應佢嘅要求，同佢無條件解咗本身簽咗10年嘅藝人合約，親手送咗佢入更大嘅舞台。」

但沒想到，當Momo校長坐在台下見證馮皓揚獲獎，對方卻沒有感謝她，更與她劃清界線，她直言感到被背叛：「佢為咗劃清界線，仲要同人哋講我哋嘅課程唔係咁正規，周圍咁唱我，完全否定咗我5年嚟嘅心血，同埋專業。最終佢仲選擇謀財害命，嚟結束我哋呢一段關係。」

東網網站 : https://on.cc/東網Facebook專頁 : https://www.facebook.com/onccnews/