黃智雯仲未約到胡定欣　避談李施嬅應否吃「回頭草」

藝人黃智雯（Mandy）及楊詩敏（蝦頭）今日（5日）現身新蒲崗出席舞台劇《天下無不西之閨蜜》排練，故事講述一對性格天差地別的閨蜜，展開同居生活後上演搞笑衝突。

Mandy表示入行後曾經與閨蜜同居，同居後才首次學識用洗衣機，因此感激她教識自己生活知識，又指與老公結婚前亦曾嘗試同居，可以互相了解更多。而蝦頭就指只試過與男朋友同居，目前則同父母同住，笑言自己成日被媽媽嫌棄不夠整潔。Mandy表示角色上與自己有反差，笑言可以大展身手去搗亂，不過自己現實中算整潔，在家會洗碗，問到老公無幫手分擔家務？Mandy就指：「其實我覺得呢個就係微妙位，同居一開頭大家有磨合嘅，但去到中段大家就會自動自覺做自己更加擅長嘅，就係互相遷就。」

而蝦頭直言很開心再次同Mandy合作，上次演出舞台劇《今晚打老虎》時很少對手戲，自己很喜歡戲劇，Mandy亦曾去法國進修戲劇，因此覺得兩人好啱傾；早前剛在北京演出完《簿伽梵歌》的Mandy就指在演出多部嚴肅戲劇後，終於等到喜劇劇本，還要是好好玩的角色，所以很早便期待排練，更自爆角色是「肉食女」，劇中更會有兩位oppa演員展示美好身段。

提到早前結婚的好友胡定欣，Mandy指知道對方婚訊只是對方出po前1小時，有些驚訝但都戥她開心，又指姊妹群的六個人好忙，到現在仍未約得齊，會各自以不同組合去約定欣。問到會送甚麼結婚禮物，Mandy就指：「我諗緊可能送啲小心思嘅嘢，因為我記得當年我結婚個陣，定欣送咗份禮物比我，就係佢做攝影師幫我影咗一輯婚紗相，影到我好靚，所以個輯相我覺得好珍貴（咁你幫佢影返輯？）我都想啊，係一個更加留得住嘅畫面（咁你輯相幾時有機會甫出嚟？）我唔知我怕羞，睇吓有咩機會。」

至於另一位好友李施嬅早前與前度登上綜藝節目，Mandy指自己無睇節目，以往施嬅亦很少向她們說自己不開心的事，又因為多數只是姊妹聚會，很少機會見過她的前度，問到是否不支持施嬅「食回頭草」？Mandy坦言：「我覺得感情事係一樣好personal嘅嘢，最緊要佢幸福或者開心。」

東網網站 : https://on.cc/東網Facebook專頁 : https://www.facebook.com/onccnews/