香港美食：【巴士迷必去！巴士主題甜品＋古董巴士！必食車呔蛋糕/巴士站牌朱古力/錢箱蛋糕】

更新於 03月21日12:50 • 發布於 03月21日04:16 • 香港人遊香港

香港美食｜五星級酒店推任食巴士主題甜品！

香港自助餐｜有冇諗過巴士都可以食？帝逸酒店今次破格聯乘九巴，推出全新巴士主題自助晚餐，等大家感受一下咩叫做「食得嘅巴士」！大量甜品都係以巴士為主題，極有創意，當中包括巴士造型拿破崙、朱古力巴士站牌、黑森林車呔蛋糕、白朱古力錢箱蛋糕等等。仲唔止咁簡單，佢哋更將成間酒店都打造成巴士迷天堂，露天停車場停泊咗極具觀賞價值號單層亞比安維京古董巴士，比大家打卡影相。另外餐廳仲設置咗九巴精品專櫃，等你可以用平價買九巴產品同報名參加車廠遊學團。除咗豐盛主題自助晚餐以外，酒店仲推出九巴主題房，全房都係巴士元素，巴士迷必住，等你一次過體驗曬所有九巴元素！

▲ 全新主題自助餐以巴士化身各式獨特造型甜品，甜品唔單止個樣好睇，入面用料都相當講究，例如開心果拿破崙同埋北海道奶凍，食落去有滿滿幸福感！

▲ 單層亞比安維京古董巴士位於露天停車場，大家可以隨時影相，回顧往昔日常。

▲ 大堂門口就設置了1比1巴士車頭，食客同住客可以走入司機位一嚐當車長滋味。

▲ 酒店部分房間打造成巴士迷天堂，間房正面向九巴沙田車廠，等住客可以近距離見證巴士列陣出車同收車嘅震撼時刻！