奧利斯今季喺德甲有9個入波同12次助攻　今季成為奧利斯職業生涯單季聯賽參與入波最多嘅一季

拜仁主場3:0擊敗緬恩斯德甲比賽，翼鋒奧利斯先係比賽40分鐘入波幫球隊擴大領先優勢，去到比賽尾段透過角球斬比中堅迪亞頭槌入波，成場比賽除咗交出3次關鍵傳送，有5次重奪控球權，仲同對手有10次成功爭奪，呢位法國🇫🇷球員絕對係今場比賽最佳球員🤓

奧利斯今季德甲31次上陣，當中有9個入波同12次助攻，今季聯賽參與入波數字已經超過20球，而今季亦都成為奧利斯奧利斯職業生涯單季聯賽參與入波最多嘅一季，之前係2020/21球季效力雷丁期間試過係英冠有7個入波同交出12次助攻😶

老大哥湯馬士梅拿係賽後表示睇好奧利斯係拜仁發展「大家唔好用一個球季表現去評價奧利斯，我哋要睇下佢嚟緊可唔可以延續咁好火熱狀態。我自己唔覺得奧利斯出色表現好快就會消失，因為奧利斯不斷追求進步，大家可以期待嚟緊同奧利斯一齊創造佳績😉。」

至於拜仁傳奇翼鋒列貝利最近接受訪問鼓勵奧利斯學德文「奧利斯一定要好德文，咁樣佢可以更好理解球隊，亦都係一種尊重嘅表現。我會建議奧利斯盡力去試，就算講錯都唔緊要，而我之前係拜仁訓練中心沙賓拿大街見過奧利斯，我覺得佢有學習同成功嘅願望🙂。」

▼Follow足球仁
Instagram: https://www.instagram.com/football_yern/