前新桂香師傅加盟砲台山燒味店，有乳豬、叉燒、小炒配紅酒!
作者: 飛叔
北角砲台山站的Chop Chop食神叉燒開業不經不覺幾年了，這幾年來無論我個人及整個香港社會都變化好大，不過，看著門口和入面的食神叉燒招牌，又好似回到幾年前的光境一樣，可暫時忘郤出面世界的變幻。
不只我變了，原來Chop Chop食神叉燒亦有變動，請來曾在燒味界名店新桂香做過的榮師傅座陣，而且除了燒味外，現在餐牌上還加有一系列小炒菜式。
今次剛好四人，就吃「四人套餐」，每位$368，包一款例牌燒味，一道湯，兩款小炒，一碟炒菜及飯或麵。
燒味的選擇有蜜汁新鮮燒排骨、第一刀叉燒及BB乳豬，好似話小朋友才需要選擇，想雙拼就索性加$120可以了，另可以額外單點其餘一款例如半隻乳豬。
邊個話叉燒唔可以配葡萄酒?
這店就特地入了一款紅酒，2015年Champ de Cour Moulin-à-Vent ($480/支)，專門來配襯叉燒。
太耐沒有試酒，加上顧住開心吹水，唔記得細心品評葡萄酒了，只記得這支酒的甜度頗突出而持久，個人覺得頗夾到味道濃郁甜味的叉燒和燒排骨。
「第一刀叉燒」取本地脢頭上肉即豬肩位，第一刀斬出來就是叫「爽叉」，勝在爽口而軟腍度中等，不算太肥膩。
食叉燒始終是「肥叉」較好，因此兩款之中，我較喜歡「蜜汁新鮮燒排骨」，揀選的排骨肥瘦七三分比例左右，燒起來既富焦香，又有源源的肉汁，相當誘人。
四人之中，有兩位是七月之星，非常感謝額外安排了一整隻BB乳豬，生日食隻乳豬，希望發過豬頭。
影完相後，就斬開乳豬來吃，確實十分皮脆肉嫩。
來碗胡椒豬肚湯，用上馬來西亞沙勞越胡椒，雖未算好濃烈，但合符香港大眾口味。
胡椒蟹做得很香兼惹味，胡椒味不算好辣，但蟹鮮味郤很突出。
椒鹽鮑魚煮成很爽口，椒鹽份量亦絕不吝嗇，令鮑魚更為惹味。
之後有豬油渣時蔬，和鑊氣好足又有辣勁的銀魚乾蟹肉炒飯來完結。
今年生日月認真有食神，每次有朋友請食飯都應該心存感激。
這餐是七月份最尾一餐生日飯，非常豐盛，又多笑聲伴隨，現時的我比較喜歡這樣的輕鬆飯局，尤其在夏天，寧願穿短褲去食叉燒，都唔願著西裝去Fine dine，如果今後的人生都可以隨心從欲兼暢所欲言就好了。
Chop Chop食神叉燒
地址: 北角宏安道18號地下3號舖
電話: 36187718
營業時間: 11:00 – 21:00
請關注飛叔平台:
Facebook專頁: 飛叔生活 Kelvin Leung
Instagram: kelvinyfl
YouTube: 飛叔Kelvin Leung