祖比比寧咸或拒絕加盟多蒙特

根據德國天空體育消息，多蒙特上星期日派出CEO華斯基親自飛去英國嘗試説服祖比比寧咸加盟多蒙特，而多蒙特飛去英國目的就係希望細佬比寧咸同法蘭克福見面之前搶先同球員了解，從而係今次轉會搶佔先機😶

消息指細佬比寧咸同爸爸媽媽兼經理人今個星期一就飛咗去德國法蘭克福，而法蘭克福亦都派出一隊主管親自接機，球隊帶咗佢哋成家參觀法蘭克福城市、球場同埋訓練中心。而且，法蘭克福教練團隊仲同細佬比寧咸講解佢係球隊位置，呢位中場有機會成為球隊關鍵球員，並且參加歐聯比賽🙂

消息又指祖比寧咸仲未就自己未來作出最後決定，但目前跡象顯示細佬比寧咸將會係多蒙特同法蘭克福之間作出選擇，而法蘭克福被認為機會更大，因為呢位英格蘭🏴󠁧󠁢󠁥󠁮󠁧󠁿球員想行自己嘅路，並且唔想被其他人拎自己同哥哥去比較。至於RB萊比錫由於無下季歐洲賽參賽資格，所以唔再係主要競爭者😉

▼Follow足球仁
Instagram: https://www.instagram.com/football_yern/