《CHILL CLUB》總決賽蘇詠淳奪冠　將赴日挑戰THE FIRST TAKE舞台

ViuTV音樂選秀企劃《CHILL CLUB X THE FIRST TAKE：THE STAGE OF VOICE》昨晚（7月27日）播出總決賽的一集，5強參賽者羅竣勤（Kan）、蘇詠淳（Vincy）、梁爽（Song）、吳筠怡（Kristy）、周喆（Chloe），以及在復活賽成功復活的彭泳熙（Heibi）進行決賽。賽制繼續以50分為滿分，評判陣容包括有加拿大聲樂導師及歌手Rozette、歌手陳柏宇（Jason）、歌手雷有輝（Patrick Lui）、監製Edward Chan及「THE FRIST TAKE」團隊代表。

率先出場的梁爽自言起初怕壓力大不太想參加比賽，但細想後卻覺得是一個很難得的機會，而且愈接近final就愈著緊比賽，還萌生出是否也有人想聽自己唱歌的念頭。今次梁爽以自己的原創歌曲《Purple》出賽，評判Rozette建議可以嘗試請他人演唱自己的歌曲，因為別人的演繹有時會帶來很多啟發。

以鄧麗欣歌曲《不可得》參賽的彭泳熙（Heibi）演唱時忘詞，事後主持駱振偉（Thor）問她「How do you feel ?」 時，Heibi以一句「I feel so sorry」來回應，眾評判也不禁笑起來。Heibi之後一臉懊惱地表示：「我覺得好唔專業，感到好對唔住。」評判Patrick直指Heibi因為節奏感不足，未能投入在音樂當中。

周喆（Chloe）今次選唱Incognito的《Talkin’ Loud》，評判Edward Chan笑稱：「通常我聽呢啲音樂，個環境都係五光十色，即係嗰啲燈光係『七彩蝦條』咁樣，但係你今次喺呢個白色嘅環境，其實真係好困難。亦都好appreciate你啲準備功夫做得好足，你個diction同埋melody嘅處理我係impressed㗎。」

而羅竣勤（Kan）再次自彈結他，演繹原創歌《無可替代》。評判Jason不諱言Kan在選歌方面蝕底：「因為呢首歌太pop，凸顯唔到唱歌技巧，但係佢當然可以表現到你嘅寫歌能力，咁若然你係想表現寫歌能力嘅話，我覺得唔應該喺個歌唱比賽裡面做一件咁嘅事，咁會有少少愚蠢。要嗰首歌可以運用到你嘅聲音，表現到你好嘅地方，而唔係表現你乜嘢都可以做。因為如果周身刀，通常都冇張利㗎。」雖然唱歌技巧有待改進，但Thor指Kan的演出肯定了一點：「你作嘅歌係有料到嘅！因為頭先你一唱完，大家喺入面都唱緊！」。

6歲開始學唱歌的吳筠怡（Kristy），13歲參加歌唱比賽時遭到不少批評，令她毅然放下音樂，專注於跆拳道。直至一次聚會時應朋友所邀唱了一首歌後，受朋友勸說不要放棄唱歌，所以大學時重新踏上音樂之路。今次Kristy以林二汶的《無忘花》參賽，其演出受到評判Rozette高度讚賞，更表示被表演所感動，雖然Rozette不懂廣東話，卻聽出淚來。

最後出場的蘇詠淳（Vincy）選唱日本歌手優里的《ベテルギウス》。對於「THE FIRST TAKE」比賽，Vincy直言在評判的評語中學到很多：「知道咗一啲自己都冇留意嘅缺點，然後有時有啲我打動到人嘅地方，自己都冇留意，但係評判同我講返嘅時候我就覺得，原來我呢個位係打動到人嘅，覺得好開心，發現自己可以留低印象畀人地。」最終Vincy以41.4分勝出比賽，將會遠赴日本挑戰「THE FIRST TAKE」舞台。Vincy坦言沒想過會得獎：「因為喺比賽入面遇到好多人比我叻，甚至係比我叻好多，同埋佢地識好多嘢。我覺得可以行到去決賽，對我嚟講已經係一個好大嘅里程碑，係一個好大嘅肯定。」