「日韓風味自助晚餐」舌尖上的滋味享受

好耐無見啲朋友，要見架！唔想諗食乜，最簡單直接方法就是食自助餐，朋友住城市花園就話去Harbour Grand Café 咖啡廳喇，咁啱新推出「日韓風味自助晚餐」，就啱晒「韓」友喇！佢一見到自助餐枱，雙眼就發晒光，集齊多款日本及韓國的經典美食，仲有生猛海鮮，絕對唔惹少。

先講日式料理就有蟹籽沙律、燒帶子稻庭烏冬配芝麻汁、海鮮大阪燒及鹽燒牛舌等；韓式料理則有泡菜海鮮煎餅、芝士炸雞槌及醬烤豬腩肉等。仲有每人一碗韓國人蔘雞湯乙客。

另外，凍海鮮選擇都多架，包括即開生蠔、阿根廷蝦、波士頓龍蝦及多款新鮮日本刺身。 甜品區就有黑芝麻焦糖燉蛋、綠茶木糠布甸、薄荷朱古力 Oreo 蛋糕及白桃奶涷等多款日韓人氣甜點。同埋可以免費無限暢飲的生啤、汽水、咖啡及茶，真是飲飽食醉呀！最正仲有12 款Mövenpick 雪糕，12 款不同口味任君選擇，為炎夏帶來一抹清爽甜蜜的冰涼享受。 今晚仲有加推精彩美食，聽到叮叮聲先來火山排骨表演。 跟住就是火焰焦糖燉蛋表演，非常之有氣氛。

自助餐禮遇：

• 每位賓客可免費無限暢飲的生啤、汽水、咖啡及茶。

• 每晚7時15分將呈獻火山排骨表演。

• 星期一至五晚上8時將呈獻火焰焦糖燉蛋表演。

• 星期六、日及公眾假期晚上8時將呈獻巨型 Mövenpick 雪糕火焰雪山表演。

• 生日之賓客更可免費獲贈香橙蛋白霜慕絲蛋糕乙個。

於酒店網上商店訂購自助餐可享高達5折優惠。