消息指，拜仁願意賣走兩位翼鋒基拿比同京士利高文，並且簽入新嘅進攻球員。

根據德國圖片報記者Christian Falk消息，拜仁願意賣走兩位翼鋒基拿比同京士利高文，並且簽入新嘅進攻球員。消息指球隊高層對於教練甘賓尼完全信任，並且希望進行陣容調整，而問題就係高文（合約去到2027年）同基拿比（合約去到2026年）願唔願意離隊😶

消息又指拜仁另一位翼鋒利萊辛尼希望繼續留喺球隊，並且爭取新合約，然而高層希望睇到辛尼對住強隊展示穩定同出色表現，嚟緊將會繼續留意辛尼表現，之後再決定會唔會提供新合約🙃

辛尼已經拒絕其他球隊報價，希望繼續留喺拜仁，甚至接受球隊減人工，就算拜仁只係提供兩年短期合約，呢位德國🇩🇪翼鋒都願意接受。辛尼之前接受訪問就話「有啲球隊問咗我嘅情況，但所有人都知道我嘅立場。我只會專注拜仁同埋盡力同球隊爭取成功🙂。」

▼Follow足球仁
Instagram: https://www.instagram.com/football_yern/