林海峰挑戰水陸兩項鐵人勇奪年齡組別第3名

「林公子」林海峰熱愛跑步眾所周知，他更成功挑戰「六大馬」（現為七大馬），拿下跑手們夢寐以求的「冬甩獎牌」。林海峰近期夥拍葛民輝合體軟硬天師，為麥當勞音樂會演出，狀態甚佳的他完騷後不足12小時於7月6日出戰水陸兩項鐵人比賽3–淺水灣，更勇奪年齡組別第3名，總排名第58位。

林海峰出席音樂會完騷不足12粒鐘，便到淺水灣參加水陸兩項鐵人比賽，先游水800米再跑步5公里，以40:42完賽於男子55至59歲組別位列第3名，200名參賽者中總排名58位，認真厲害。林海峰期後於社交網上興奮發文，「如果今日咁蹺喺街撞到呢條友完全唔鞋口鞋面仲笑口吟吟鬼死咁好禮貌周圍同人鞠躬打招呼個個嗌早晨你哋明㗎啦？」

片中的林海峰等上台領奬時，深淺藍隊友已拍定手，林海峰開心問：「衝上去呀？」又做手勢叫大家靜啲，等司儀公佈「第3名林海峰」，他即開心到雙手掩面大嗌，全場歡呼拍掌「係你啦」。網民留言恭喜之餘硬大讚林海峰厲害，「尋晚做完show，今朝晨早跑比賽，仲要有獎攞，好勁，真係鐵」」、「出show，游水，跑步！！呢隻3項鐵人太強勁」。